Xırdalandakı 2 saylı uşaq bağçasında təlim-tərbiyə necə aparılır?-VİDEO

Bağçalar azyaşlıların həm mənəvi, həm psixoloji, həm də fiziki inkişafına əhəmiyyətli dərəcədə müsbət təsir göstərir.
Uşaqların özgüvənli və sərbəst olmasının əsasını qoyur. Uşaq bağçası tərbiyə üçün əlverişli bir mühit yaradır. Təcrübəli tərbiyəçilər uşaqların səmərəli inkişafını tənzimləyir və onların sosial bacarıqlarını inkişaf etdirir. Uşaqlar bağçada əyləncəli təhsil təcrübəsi əldə edir. Oyunlar, incəsənət, musiqi və digər təhsil fəaliyyətləri onların məntiqi inkişafını daha da gücləndirir.

Xırdalan şəhər 2 saylı körpələr evi, uşaq baxçası sözün əsl mənasında bütn bu kriteriyaları özündə birləşdirən, təlim-tərbiyəsi ilə seçilən məktəbəqədər təhsil müəssisələrindən biridir.

Olduqca savadlı və işini bilən pedaqoji kollektiv, nizam-intizamlı tərbiyəçilər, ümumilikdə bütün heyət bağçada təhsil alan balaca fidanların əsl şəxsiyyətə çevrilməsi, cəmiyyətə layiqli vətəndaşlar kimi formalaşması üçün yorulmadan çalışır. 

Qeyd edək ki, Uşaqların bir-biri ilə ünsiyyət qurması, onların nəyisə qavraması, hafizəsinin formalaşdırılması üçün bağça çox vacibdir. Hər uşağın yetişdiyi mühit, onun yetişmə tərzi müxtəlifdir. Eyni olan isə onların təhsil müəssisələrində bir araya gələrək bir çox ortaq düşüncəyə sahib olmasıdır. Məktəbəqədər təhsil müəssisələri uşaqları əqli, fiziki, psixoloji və emosional cəhətdən məktəbə hazırlayır. Bu baxımdan uşaq bağçalarının üzərinə çox böyük məsuliyyət düşür. Əminliklə deyə bilərik ki, Abşeron-Xızı Regional Təhsil İdarəsinin tabeliyində fəaliyyət göstərərn uşaq bağçaları bu vacib işin öhdəsindən uğurla gəlir.