Xırdalan şəhər 26 saylı uşaq bağçasında tərbiyəçi müəllimlər üçün təlim keçirilib-VİDEO

Bu günün uşağı gələcəyin şagirdi, tələbəsi və ziyalısıdır. Uşaqların necə inkişaf edəcəyi onları əhatə edən mühitlə bilavasitə bağlıdır. Uşaqların sosiallaşması üçün atılan ilk addımlardan biri də onların bağça mühitinə öyrəşməsi ilə başlayır. Odur ki, bağçalarda yaradılan şərait, orada işləyən təlim-tərbiyəçilərin intellektual səviyyəsinin yüksək olması çox vacibdir. Sadaladığımız bütün müsbət xüsusiyyətləri özündə birləşdirən məktəbəqədər təhsil müəssisələrindən biri də Abşeron rayon Xırdalan şəhərində fəaliyyət göstərən 26 saylı körpələr evi, uşaq bağçasıdır.  Bağçada körpə fidanların gələcəyin savadlı və ziyalı kadrı, əsl vətənpərvər şəxsiyyəti kimi yetişməsi üçün hər cür şərait yaradılıb.

Bağçanın müdiri Nigar Vəliyeva bildirib ki, məktəbəqədər təhsil müəssisəsi 2016-cı ildən fəaliyyət göstərir. 6 qrupluq 115 yerlik bağçada uşaqların təlim-tərbiyəsi ilə 12 tərbiyəçi müəllim məşğul olur. Nigar Vəliyeva onu da əlavə edib ki,bağçada bir sıra əlamətdar günlər və hadisələrlə bağlı maraqlı tədbirlər keçirilir. Belə ki, "Yaşıl Dünya Naminə Həmrəylik ili", "Zəfər Günü" ilə bağl tədbirləri buna misal göstərmək olar. Həmin tədbirlər uşaqların vətənpərvərlik ruhunun yüksəldilməsinə, onların əlamətdar hadisələrlə bağlı məlumatlandırılmasına xidmət edir. 

Qeyd edək ki, 26 saylı uşaq bağçasında tərbiyəçi müəllimlərin maarifləndirilməsi, onları maraqlandıran sualların cavablandırılması məqsədilə təlim keçirilib. Belə ki, Təhsil İnstitutunun Məktəbəqədər Təhsilin Proqramları şöbəsinin müdiri, fəlsəfə doktoru, dosent, əməkdar müəllim Laləzər Cəfərova tədbirlər planına uyğun olaraq 26 saylı bağçada olub. Təlimdə Abşeronun bir slıra məktəbəqədər təhsil müəssisələrinin rəhbərləri, eləcə də, 26 saylı uşaq bağçasının pedaqoji kollektivi iştirak edib. Denaz.tv-yə xüsusi müsahibəsində Laləzar Cəfərova bildirib ki, məkətəbəqədər təhsil sahəsində maariflənmə işlərinin aparılması üçün yeni məzmunla əlaqədar, tərbiyəçi müəllimlərin maarifləndirilməsi işinin səmərəli təşkili məqsədi ilə tədbirlər planlaşdırılıb. Plana uyğun olaraq tərbiyəçi müəllimlərə məktəbəqədər təhsilin yeni məzmunu, onun həyata keçirilməsi üçün səmərəli yol və üsulların seçilməsi, tərbiyəçi-uşaq, tərbiyəçi-müəllim münasibətləri, eyni zamanda digər normayiv sənədlərlə bağlı məlumat verilib. Eyni zamanda tərbiyəçi müəllimləri maraqlandıran suallar cavablandırılıb. Laləzar Cəfərova vurğulayıb ki, belə ədbirlərin keçirilməsi məktəbəqədər təhsil sahəsində fəaliyyət göstərən müəllim və tərbiyəçilərin işinin səmərəli qurulmasına və keyfiyyətin artırılmasına yüksək təsir göstərəcək.

Qeyd edək ki, Abşeron-Xızı Regional Təhsil İdarəsinin tabeliyində olan 26 saylı uşaq bağçası öz maddi-texniki bazası, savadlı və intellektual düşüncəli təlim-tərbiyəçiləri ilə xüsusilə fərqlənir.