Bu bağçada yaradılan şərait və uşaqlara göstərilən qayğı göz oxşayır-VİDEO

Bu günün uşağı gələcəyin şagirdi, tələbəsi və ziyalısıdır. Uşaqların necə inkişaf edəcəyi onları əhatə edən mühitlə bağlıdır. Uşaqların sosiallaşması üçün atılan ilk addımlardan biri də onların bağça mühitinə öyrəşməsi ilə başlayır. Odur ki, bağçalarda yaradılan şərait, orada işləyən təlim-tərbiyəçilərin intellektual səviyyəsinin yüksək olması çox vacibdir. Sadaladığımız bütün müsbət xüsusiyyətləri özündə birləşdirən məktəbəqədər təhsil müəssisələrindən biri də Abşeron rayon Ceyranbatan qəsəbəsində fəaliyyət göstərən 1 saylı körpələr evi, uşaq bağçasıdır. Bağçada körpə fidanların gələcəyin savadlı və ziyalı kadrı, əsl vətənpərvər şəxsiyyəti kimi yetişməsi üçün hər cür şərait yaradılıb. Ən əsası isə müdir Ceyhunə Hüseynova və onun rəhbərlik etdiyi kollektivdə uşaqlara qarşı olan sevgi və qayğı ilk baxışdan sezilir. 

Adıçəkilən bağçada tərbiyəçi müəllimlərin körpə fidanlarla davranışı, onlara doğma övlad qayğısı ilə yanaşılması gələcəyimizin əmin əllərdə olduğunu deməyə əsas verir. Bundan başqa bağçada uşaqların fiziki, əqli cəhətdən yaxşı inkişaf etməsi, özünə inamlı olması və nitq qabiliyyətinin formalaşması üçün müxtəlif tədris proqramları həyata keçirilir.

Ceyhunə Hüseynova deyir ki, uşaq bağça mühitində paylaşmağı öyrənir, dostları ilə daha çox ünsiyyətdə olur. Bağçaya gedən uşaqda artıq məktəb dövründə müəyyən inkişaf özünü göstərir, məktəbə hazır vəziyyətdə gəlir, sisoal fobiyası olmur. Buna görə də bağçanın rolu uşağın həyatında əvəzolunmazdır. Eyni zamnda bağçada uşaqların normal və keyfiyyətli qida ilə təmin olunması, gələcəyimiz olan uşaqlarınfiziki cəhətdən sağlam böyüməsi üçün çox vacibdir. Odur ki, bağçada qidalanmaya çox böyük önəm verilir. 

Qeyd edək ki, Abşeron-Xızı Regional Təhsil İdarəsinin tabeliyində olan uşaq bağçaları öz inkişaf səviyyəsi və təlim-tədris metodikası baxımından xüsusilə seçilir. Bu, təhsilə və gələcəyimizə verilən qiymətin bariz nümunəsi kimi dəyərləndirilməlidir.