Abşeron rayonunda bədbəxt hadisə baş verib.
DenMedia.az xəbər verir ki, Məmədli kəndində növbətçi montyor, 40 yaşlı Elnur Nadir oğlu Zeynalovu yüksək gərginlikli elektrik xəttində işləyən zaman elektrik cərəyanı vurması nəticəsində həyatını itirib.
Hadisə 10 min voltluq elektrik xəttində qeydə alınıb.
Qəfil baş verən hadisə nəticəsində Elnurun həyatını xilas etmək mümkün olmayıb. O, Saray qəsəbəsində yaşayırdı. Ailəli idi və iki övladı var idi.
Hadisə yerinə hüquq-mühafizə orqanlarının əməkdaşları və Fövqəladə Hallar Nazirliyinin müvafiq qurumları cəlb olunub. Faktla bağlı araşdırma aparılır.
Nizami Rəsulov
DenMedia.az
