Yaponiyanın şimalında baş verən 7,6 maqnitudalı zəlzələ nəticəsində qatarların hərəkəti dayandırılıb və yanğınlar qeydə alınıb.
TASS-ın məlumatına görə, Tokiodakı Rusiya səfirliyi ölkədə yaşayan rusiyalılardan müraciət almadığını bildirib.
Ölkənin şərq və şimal-şərq sahilləri üçün sunami riski elan olunub. Yerli seysmoloqlar Aomori, İvate və HokKайdo prefekturalarının sahil zonalarında təxminən üç metr hündürlüyündə dalğaların ola biləcəyi barədə xəbərdarlıq edirlər.
Hazırda bu bölgələrdə təxminən 40 sm-lik dalğalar müşahidə olunur, lakin mütəxəssislər təkrari və daha böyük dalğaların yarana biləcəyi barədə xəbərdarlıq edirlər. Sahil sakinləri dərhal təxliyəyə çağırılıb.
Aomori prefekturasında bir neçə nəfərin xəsarət aldığı bildirilir. Detallar hələ məlum deyil, lakin yerli xilasetmə xidmətlərinin məlumatına görə, otellərdən birində bir neçə nəfər xəsarət alıb, hadisə yerinə təcili yardım göndərilib. Bundan əlavə, prefekturada bir neçə yanğın qeydə alınıb.
