Azərbaycan-Norveç Cəmiyyətinin təşkilatçılığı ilə Norveçin Stavanger şəhərində Novruz bayramı münasibətilə tədbir keçirilib.
Den.az xəbər verir ki, tədbirə Norveçin digər şəhərlərində yaşayan azərbaycanlılarla yanaşı, Türkiyə və İrandan da olmaqla ümumilikdə 150-dən artıq iştirakçı qatılıb.
Tədbiri giriş sözü ilə açan Azərbaycan Norveç Cəmiyyətinin sədri İradə İsmaili və İdarə Heyətinin üzvləri təbrik nitqindən sonra Cəmiyyətin fəaliyyətindən, Novruz bayramının tarixindən, adət-ənənələrindən, xalqımız üçün əhəmiyyətindən danışıblar.
Tədbirin rəsmi hissəsi başa çatdıqdan sonra iştirakçılara Stavangerdə yaşayan xanımlarımızın bişirdiyi milli Azərbaycan yeməkləri və şirniyyatları, musiqili və əyləncəli bayram proqramı təqdim olunub. Həmçinin bayram səhnəcikləri, milli rəqslər və digər millli adət-ənənələr nümayiş etdirilib, şən mahnılar səsləndiriblər. Novruz bayramının adət-ənənələrinə sadiq qalaraq, qonaqlar yumurta döyüşdürüb, tonqal üzərindən tullanıblar.
