Bu şəhərdə Novruz görün necə qeyd edildi-VİDEO

Bolluğun, bərəktin və xeyirxahlığın təcəssümü olan Novruz  Bayramı  Sumqayıtda  böyük təntənə ilə qeyd edilib.

Sumqayıt Bulvarında  təşkil edilən bayram tədbirində Sumqayıt şəhər İcra Hakimiyyətinin başçısı Zakir Fərəcov, millət vəkilləri, hüquq-mühafizə orqanlarının, idarə, müəssisə, təşkilat rəhbləri, şəhid ailələri və şəhər  ictimaiyyəti iştirak edib.

Bayram şənliyində bayram ovqatlı sərgilər,əl işlərindən ibarət nümunələr, aşıq havaları, meyxana ifaları, xalq oyunları, milli rəqslər, məktəblilərin ədəbi bədii kompazisiyasları, folklar nümunələri, qədim ənənələrimizi tərənnüm edən adətlər, milli mətbəx nümunələri, musiqilər, şeirlər, keçəllə kosanın məzəli əhvalatları, yumurta döyüşü, kəndirbazların akrobatik hərəkətləri, idmançıların, pəhləvanların rəngarəng çıxışları nümayiş olunub.

Yazın gəlişini bildirən və xalqımızın milli –mənəvi dəyərlərini özündə ehtiva edən müxtəlif oyunlar, zarafatlar,şən-şux mahnılar  hamıda xoş ovqat oyadıb. 

Bayram şənliyində bildirilib ki, Novruz,  adət-ənənələrimizi əsrlər boyu yaşadıb bu günlərə gətirdiyi kimi, bu gün də bizi birləşdirir,daha da həmrəy edir. Bu ənənəni yaşatmaq və gələcək nəsillərə ötürmək hər kəsin müqəddəs borcudur. Xalqımız qədim türk məişətini, əxlaqını və bədii zövqünü özündə cəmləşdirən Novruz ayinlərini tarixən yaşadaraq bu günümüzədək gətirib çatdırıb. 

Bildirilib ki, Azərbaycan Respublikasının Prezidenti, Müzəffər Ali Baş Komandan cənab İlham Əliyevin rəhbərliyi ilə şanlı qələbə qazandığımız Vətən Müharibəsindən sonra xalqımız Novruz bayramını artıq daha böyük coşqu ilə, daha möhtəşəm qeyd edir. Şəhidlərimizin, qazilərimizin və ümumilikdə ordumuzun qəhrəmanlığı sayəsində bu gün bütöv Azərbaycanda, işğaldan azad olunan torpaqlarımızda bayram tonqalları qalanır, şənliklər keçirilir.

Şəhər sakinlərinin bayram sevinci   musiqili bədii proqramla davam edib.