Gürcüstanın Bolqarıstandakı səfiri Otar Berdzenişvili istefa verib.
Den.az xəbər verir ki, bu barədə o, X sosial şəbəkəsində məlumat yayıb.
Diplomat Avropa inteqrasiyasının dayandırılmasına qarşı etiraz edən insanlara həmrəylik ifadə edib.
“Uzun illər davam edən diplomatik xidmətim ərzində mən ölkəmin Avroatlantik və Avropa inteqrasiyasını irəlilətmək üçün həmkarlarımla fəal əməkdaşlıq etmişəm, həmçinin müttəfiqlərimiz, xüsusən də ABŞ ilə etibarlı və strateji tərəfdaşlıq qurmuşam. Bizim səylərimiz heç bir halda zəiflədilməməli və ya təhdid altına alınmamalıdır. Azad iradəsini dinc şəkildə ifadə edən etirazçılara qarşı zorakılığa yox! Tam həmrəylik!” – deyə Berdzenişvili bildirib.
Gürücstan mətbuatının yazdığına görə, daha 211 diplomat Gürcüstan Baş naziri Kobaxidzenin 2028-ci ilə qədər Avropa Birliyinə üzvlük danışıqlarından imtina etməklə bağlı bəyanatlarına qarşı açıq məktub imzalayıb.
Qeyd edək ki, Kobaxidzenin ötən gün AB-yə üzvlüklə bağlı danışıqların 2028-ci ilə qədər dayandırıldığı barədə açıqlamasından sonra Gürcüstanda müxalifətin aksiyası başlayıb, toqquşmalar baş verib.
Günəş Fərəh
Den.az
Gürcüstanın Bolqarıstandakı səfiri Otar Berdzenişvili istefa verib
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
