Gürcüstanın baş naziri İrakli Kobaxidze hökumətin yeni tərkibini təqdim edib

Gürcüstanın baş naziri İrakli Kobaxidze hökumətin yeni tərkibini təqdim edib.

Den.az xəbər verir ki, bu barədə Gürcüstanın Birinci Kanalı məlumat yayıb.

Hökumətin tərkibində üç dəyişiklik olub. Belə ki, Xarici İşlər, Ədliyyə, eləcə də Ətraf Mühitin Mühafizəsi və Kənd Təsərrüfatı Nazirliklərində dəyişiklik edilib. Yeni hökumətin tərkibinə İlya Darçiaşvili, Rati Breqadze və Otar Şamuqiya daxil olmayacaq.

İrakli Kobaxidzenin təklif etdiyi hökumətin tərkibi:

Gürcüstanın xarici işlər naziri – Maka Boçorişvili;

Gürcüstanın ədliyyə naziri – Anri Oxanaşvili;

Gürcüstanın ətraf mühitin mühafizəsi və kənd təsərrüfatı naziri – David Sonqulaşvili;

Gürcüstanın iqtisadiyyat və davamlı inkişaf naziri – Levan Davitaşvili;

Gürcüstanın müdafiə naziri – İrakli Çikovani;

Gürcüstanın maliyyə naziri – Laşa Xutişvili;

Gürcüstanın regional inkişaf və infrastruktur naziri – İrakli Karseladze;

Gürcüstanın daxili işlər naziri – Vaxtanq Qomelauri;

Gürcüstanın təhsil, elm və gənclər naziri – Aleksandr Tsuladze;

Gürcüstanın işğal olunmuş ərazilərdən olan məcburi köçkünlər, əmək, səhiyyə və sosial müdafiə naziri – Mixail Sarjveladze;

Barışıq və Vətəndaş Bərabərliyi üzrə Dövlət Naziri – Thea Axvlediani;

Gürcüstanın mədəniyyət və idman naziri – Tinatin Ruxadze.

Hökumətin tərkibinin açıqlanmasından sonra prezident Salome Zurabişvili Gürcüstanda “Qara Bazar ertəsi” elan edib.
Zurabişvili bu barədə sosial şəbəkə hesabında yazıb.

“Polis və xüsusi təyinatlılar “Gürcü arzusu”nun qullarının Konstitusiyamızı öldürdüyü və parlamentimizi ələ saldığı qapıları qoruyur”, – deyə Zurabişvili vurğulayıb.

Günəş Fərəh
Den.az