Masazırda insanları gözü yaşlı qoyan MTK rəhbəri haqda ŞOK FAKTLAR - VİDEO

Gördüyünüz bu kadrlar hansısa film çəkilişindən yox, real həyatdan lentə alınıb. Qadını bu qədər əsəbləşdirən və onu özündən çıxardan səbəb isə pul verib aldığı mənzilə köçə bilməməsidir. Onun kimi onlarla insan eyni aqibəti yaşayır.
 
Sakinlər bildirir ki, "Şoranlıq-94 MTK"nın rəhbəri Pərviz Qurbanov onların pulunu mənimsəyib, lakin söz verdiyi binanı tikib təhvil verməyib.
 
Hazırda 40 dan çox vətəndaş məsələ ilə bağlı aidiyyatı qurumlara müraciət edib və problemin həll olunmasını istəyir.
 
Qeyd edək ki, adıçəkilən "MTK"nın rəhbəri Pərviz Qurbanov bina tikmək adı ilə vətəndaşları aldadaraq pullarını mənimsəyib. Bu azmış kimi bir mənzili 5-6 adama sataraq dələduzluq edib. Bununla da kifayətlənməyən "MTK" rəhbəri ətrafdakı insanlara torpaq sahələrində ev tikmək adı ilə külli miqdarda zərər vurub və pullarını mənimsəyib. Artıq 4 ildən çoxdur ki, nə bina təhvil verilir, nə də sakinlərin pulu geri qaytarılır
 
Qeyd edək ki, Pərviz Qurbanovla əlaqə yaratmaq cəhdlərimiz heç bir nəticə vermədi. Ancaq sakinləri özləri onun ayrı -ayrı vaxta verdiyi müxtəlif vəddləri telefonla teltə ala bilib.

Çarəsiz sakinlər mövcud problemlə bağlı məhkəməyə müraciət edəcəklərini deyirlər. Ümid edirik ki, aidiyyatı qurumların məsələyə müdaxiləsi nəticəsində problem tezliklə öz həllini tapacaq və sakinlərin istəyi təmin olunacaq.