Biz ikinci Qarabağ müharibəsindən sonra yenidən bütün diplomatik danışıqlarda əlimizdən gələn hər şeyi etdik ki, Azərbaycan yenidən güc tətbiq etmək məcburiyyətində qalmasın. Amma çox təəssüflər olsun ki, yenə bu məsələyə həm beynəlxaq ictimaiyyət , həm də Ermənistanın indiki hakimiyyətinin etinadsızlığı, onların təxribatlarının davam etdirilməsi, Azərbaycanın qısada olsa yenidən anti-terror tədbirlərinin görməsinə rəvəc verdi. Təbii ki, buna görə heç bir beynəlxaq ictimaiyyət buna görə bizi qınaya bilməz və hər hansı ittiham irəli sürə bilməz.
“Den.az” xəbər verir ki, bu sözləri Siyası və Hüquqi Araşdırmalar Mərkəzinin ( SHAM) sədri, politoloq Xəyal Bəşirov deyib.
Bu bir faktdır ki, ikinci Qarabağ müharibəsindən öncə Beynəlxaq ictimaiyyət, ayrı-ayrı təşkilatlar və dövlətlər, Ermənistanın Azərbaycana qarşı işğalçılıq və təcavüzkar siyasətinə etinadsız yanaşması , ikinci qarabağ savaşını reallaşdırdı. Bununla bağlı Prezident İlham Əliyevin Davos İqtisadi Forumunda Beynəlxalq ictimaiyyətə , dünyaya səsləndirdiyi fikirlərdə də bunu xüsusilə qeyd etmişdi. Bildirmişdi ki, Ermənistanın ölkəmizə qarşı açıq aşkar düşmənçilik siyasəti yürütdüyü üçün biz ikinci Qarabağ müharibəsini keçirtmək məcburiyyətində qaldıq. Nəticədə 3 minə qədər şəhid və 10 minə qədər qazimiz oldu. Təbii ki, söhbət bunlardan getmir. Azərbaycan səfərbər oldu və güc yolu ilə əzəli torpaqlarımız geri qaytarıldı. Azərbaycan yenidən danışıqlar yolu ilə məsələnin həllinə çalışdığı bir vaxtda Ermənistan hakimiyyəti əvvəlki öz missiyasına sadiq qalaraq təxribatlara əl atdı. Biz öz torpaqlarımızı geri almağımız üçün anti-terror əməliyyatlarını keçirmək məcburiyyətində qaldıq.
Ermənistan isə BMT Təhlükəsizlik Şurasında müxtəlif çıxışlar edərək, bizə bu məsələlərlə bağlı sanksiyaların təqbiq edilməsinə dair çağırışlar etdi. Bu da BMT-nin məhz mahiyyətinə və məzmununa zidd olan bir addımdır. Bu həmin BMT-dir ki, 1993-cü ildə Ermənistanın qanunsuz silahlı birləşmələrinin Azərbaycanın ərazilərindən qeyri şərtsiz çıxarılmasına dair 4 qətnamə qəbul etmişdi. Amma həmin qətnamələri BMT özü icra etmədi, və ya edə bilmədi. Azərbaycanın 19-20 yaşlı gəncləri o qətnaməni güc yolu ilə həll etdilər.
Hazırda Ermənistanın qanunsuz silahlı birləşmələrinin Azərbaycanın ərazilərindən tam təmizlənməsi prosesi gedir. İroniyaya baxın ki, BMT Azərbaycanın onun qətnamələrini icra etməsinə görə, etiraz əlaməti olaraq Fransa və Ermənipərəst ölkələrin təzyiqi ilə yenidən toplanır. Ölkəmizə qarşı qətnamə qəbul etməyə cəhd göstərir. Bunda BMT-nin nüfuzuna bir başa xələl gətirən amildir. Ermənistan tərəfi bütün səylərini artıraraq BMT-nin iclasının çağırılmasın nail olur. Ancaq həmin iclasda Azərbaycanın Xarici İşlər Naziri Ceyhun Bayramovun tutarlı faktları və dəlil sübutlarını ortaya qoyduğu çıxışı zamanı Ermənistanın Xarici İşlər Naziri Ararat Mirzoyanın zalı tərk etməsinin şahidi oluruq. Necə ki, onların zabitlərinin bizim əsgərlərimizin qarşısından qaçdığı kimi. Ararat Mirzoyanda diplomatik danışıqlardan qaçdı. Buda bizim Ermənistan üzərində növbəti qələbə çalmağımızın əyani sübutudur.
Bütün bunların fonunda Beynəlxaq ictimaiyyət BMT-nin TŞ-da iştirak edən dövlətlərin nümayəndələri Azərbaycana çağırışlar etdilər ki, reinteqrasiya prosesini həyata keçirsin. Əslində bu absurtdur.Bu əsassızdır. Bu gülünc vəziyyətə düşmək deməkdir. Çünki, biz ikinci Qarabağ müharibəsindən sonra Prezident İlham Əliyevin bir başa nəzarəti ilə reinteqrasiya prosesi həyata keçirilir. Qarabağda yaşayan erməniəsilli insanların Azərbaycan cəmiyyətinə inteqrasiya olunması istiqamətində çox ciddi addımlar atılır. 1 mart tarixində görüş keçirildi və ondan sonra Bakı şəhərində, Ağdamda və Yevlaxda bir neçə görüşlərin keçirilməsi barədə biz tərəfdən təkliflər olundu. Amma bu razılaşmalar olsa belə, görüşlərin keçirilməsi baş tutmadı. Çünki imtina olundu. Lokal xarakterli anti-terror əməliyyatından sonra Erməni icmasının üzvləri Yevlaxa görüşə gəlmək məcburiyyətində qalması nəticəsində biz bir daha dünya ictimaiyyətinin diqqətinə çatdırdıq ki, Qarabağ məsələsi Azərbaycanın daxili işidir. Qarabağıda yaşayan erməniəsilli şəxslərin problemləri Azərbaycanın daxili problemləridir. Azərbaycan özü bunu həll edir və edəcək. Bunu isə heç bir dövlətlə, hətta Ermənistanla belə müzakirə etmək niyyəti yoxdur. Bu növbəti uğur idi. Azərbaycan bu uğuru əldə etdi. Bundan sonra bizə çağırış edən dövlətlər əslində Ermənistana çağırılar etməlidir ki, Qərbi Azərbaycada olan soydaşlarımıza qarşı bu reinteqrasiya prosesini həll etsin, onlarla görüşlər keçirsin. Azərbaycanda Yüzminlərlə soydaşımının öz dədə baba yurdu olan Qərbi Azərbaycana dönməsi üçün, Ermənistan tərəfi də reinteqrasiya işini həll etsin. Azərbaycan tərəfi isə öz növbəsində Qərbi Azərbaycan icmasına nə lazımdır kömək edəcək. Qarşımıza qoyduğumuz hədəflərə çatmağımız üçün ciddi addımlar atılır və atılacaq -deyə Siyası və Hüquqi Araşdırmalar Mərkəzinin ( SHAM) sədri, politoloq Xəyal Bəşirov bildirib.
Nizami Rəsulov
