Ankara ümid edir ki, Rusiya və Ukrayna nümayəndə heyətləri arasında İstanbul danışıqları bərpa olunacaq, lakin hələlik bunun üçün şərait yoxdur. DenMedia.az xəbər verir ki, bu barədə RIA Novosti-yə Türkiyə diplomatik mənbəsi məlumat verib.
“Əlbəttə, danışıqların yenidən başlayacağına ümid edirik,” — deyə agentliyin həmsöhbəti bildirib.
Diplomat xatırladıb ki, İstanbul danışıqları zamanı tərəflər humanitar razılaşmalara nail olmuşdular.
Onun sözlərinə görə, hazırda nə Kiyevdən, nə də Moskvadan danışıqların bərpası ilə bağlı hər hansı siqnal daxil olmayıb.
“Bu prosesin bərpası üçün müəyyən şərtlər lazımdır. Hələ ki, belə şərtlər mövcud deyil,” — deyə mənbə əlavə edib.
