Almaniyanın kansleri Fridrix Merts bildirib ki, Avropa İttifaqını kənarda qoyaraq Ukrayna ilə bağlı əldə ediləcək istənilən razılaşma uğursuzluğa məhkumdur. Bu barədə Börse nəşri onun sözlərinə istinadən məlumat yayıb.
Kansler bu açıqlamanı ABŞ-a səfəri zamanı Prezident Donald Tramp ilə görüşdə səsləndirib. O vurğulayıb ki, Avropa İttifaqının iştirakı olmadan nə təhlükəsizlik təminatlarını, nə müharibədən sonrakı bərpa prosesini, nə də Ukraynanın gələcək Avropa inteqrasiyasını təsəvvür etmək mümkündür.
“Biz bizim iştirakımız olmadan əldə ediləcək heç bir razılaşmanı qəbul etməyə hazır deyilik. Yalnız Avropanın dəstəklədiyi və legitimləşdirdiyi sülh həqiqətən davamlı ola bilər”, — deyə Merts bildirib.
Almaniya lideri əlavə edib ki, Avropa qitənin gələcəyini müəyyən edən prosesdən kənarda qalmaq niyyətində deyil. Onun sözlərinə görə, Vaşinqton artıq yaxşı bilir ki, Avropa Kiyevə dəstək məsələsində çox böyük rol oynayır.
