Azərbaycanda 19-20 oktyabr tarixində ilk dəfə məktəbəqədər təhsil müəssisələrinin işçiləri üçün diaqnostika imtahanı keçirilib. Bildirilib ki, prosesin test imtahanı mərhələsi respublikanın müxtəlif şəhər və rayonları üzrə 28 imtahan mərkəzində təşkil olunub. Ümumilikdə diaqnostik qiymətləndirilmədə 90% davamiyyət qeydə alınıb.
Daqnostik qiymətləndirmədə iştirak etməyənlər üçün hansısa tədbir nəzərdə tutulurmu?
Den.az mövzu ilə bağlı Məktəbəqədər və Ümumi Təhsil üzrə Dövlət Agentliyi (MÜTDA) ilə əlaqə saxlayıb.
Qurumdan bildirilib ki, məktəbəqədər təhsil müəssisələrində çalışan pedaqoji heyət üçün 19-20 oktyabr tarixlərində həyata keçirilən diaqnostik qiymətləndirmənin əsas məqsədi sertifikatlaşdırmaya hazırlıq və tərbiyəçi-müəllimlərin təlim ehtiyaclarını,eləcə də peşəkarlıq səviyyəsini və peşə yararlılığını müəyyən etməkdir:
"Könüllülük prinsipi əsasında həyata keçirilən diaqnostik qiymətləndirilmənin nəticəsindən və prosesdə iştirakdan asılı olmayaraq heç bir inzibati tədbir həyata keçirilməyəcək. “Azərbaycan Respublikasının 2022-2026-cı illərdə sosial-iqtisadi inkişaf strategiyası”nda qarşıya qoyulan hədəflərə uyğun olaraq 2026-cı ilin sonunadək 17 min nəfər heyətin sertifikasiyaya cəlb edilməsi nəzərdə tutulub".Modern.az
