Sosial şəbəkələrdə sertifikasiyadan kəsilən müəllimlərin məktəbdənkənar təhsilə yönləndirildiyi barədə iddialar yayılıb.
Den.az xəbər verir ki, məsələ ilə bağlı Məktəbəqədər və Ümumi Təhsil üzrə Dövlət Agentliyi (MÜTDA) "oxu.az"a açıqlama verib.
Bildirilib ki, yayılan fikrin heç bir əsası yoxdur.
"Məktəbdənkənar təhsil müəssisələrində kadr potensialının yaxşılaşdırılması, peşəkar kadrların işə cəlb edilməsi vacib amillərdən biridir.
Məktəbdənkənar təhsil müəssisələrində çalışan pedaqoji heyətin diaqnostik qiymətləndirilməsi də qarşıda duran hədəflər sırasındadır. Məqsəd məşqçi-müəllimlərin peşəkarlıq səviyyəsinin və peşə yararlılığının yoxlanılması və əlavə təlim ehtiyaclarının müəyyənləşdirilməsidir. Bununla bağlı normativ sənədlər, qanunvericilik aktları təhlil olunub, ümumi təhsil müəssisələrində aparılan diaqnostik qiymətləndirmə təcrübəsi əsas götürülərək, ümumi yanaşma əks olunub və MÜTDA tərəfindən çərçivə sənədi hazırlanıb.
Agentlik tərəfindən "Məktəbdənkənar təhsil müəssisələrinə direktor vəzifəsinə işə qəbul qaydaları" hazırlanıb. İşə qəbul müsabiqə yolu ilə, mərkəzləşdirilmiş qaydada, iki mərhələdə - test imtahanı və müsahibə üzrə keçiriləcək. Vakant yerlər və tarixlər ictimaiyyətə elan ediləcək.
Ünvanladığınız sorğu ilə bağlı isə bildiririk ki, hazırda bununla bağlı hər hansı bir qərar yoxdur", - deyə açıqlamada qeyd olunur.
Sertifikasiyadan kəsilən müəllimlər dərnəklərdə işləyirlər? - Rəsmi CAVAB
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
