Su borusunun partlaması səbəbindən Məmmədli kəndində yeni təmir olunmuş yol bərbad hala düşüb-VİDEO

Su borusu iki gündən bir partlayır, yeni təmir olunmuş məhəlləarası yollar da məhz bu səbəbdən keçilməz hala düşür . Aidiyyatı üzrə müraciət olunsada , lakin su idarəsi əməkdaşları yalnız dəmir boruya taxta parçası vurmaqla guya təmir etmiş olurlar. Bu hal tez-tez təkrarlandığından sakinlər lap təngə gəlib.

Bu barədə Den.az-a Abşeron rayon Məmmədli kəndinin Alı Mustafayev küçəsinin sakinləri bildiriblər.

Onların sözlərinə görə, yay aylarında Məmmədli kənd bələdiyyəsi tərəfindən yol əsaslı təmir olunubmuş. Mütəmadi olaraq da mövcud problemlər adı çəkilən qurum tərəfindən aradan qaldırılır. Lakin su idarəsinin balansında olan dəmir su borusunun tez-tez partlaması Alı Mustafayev küçəsini keçilməz hala salıb. Mövcud məsələ ilə bağlı su idarəsinə edilən müraciətə isə yalnız bu cavabı verilib. İdarənin dəmir borunun 10 metr sahəsini təmir etmək üçün matrialı yoxdur. Ancaq partlayan hissələri taxta parçası ilə təmir edərək getməklə kifayətlənirlər. O da mütəmadi olaraq partladığından sakinlər əziyyət çəkirlər.

İri Şəhərlərin Birləşmiş Su Təchizatı Sistemi PHŞ nəzdində Baglar Sukanal idarəsindən Den.az-a bildirilib ki, qeyd edilən ərazi üzrə Alı Musafayev küçəsində olan boruların köhnəlməsi nəticəsində tez-tez qəzaların  olmasına səbəb olur. Ərazi üzrə layihələndirmə işləri tamamlanmışdır.Tezliklə qəzalı vəziyyətdə olan boruların yenisi ilə əvəzlənməsi təmin ediləcəkdir.
Mövzuya yenidən qayıdacağıq...