2024-2025-ci tədris ilinin başlamasına saylı günlər qalır. Hazırda ölkənin bütün tədris müəssisələrində yeni dərs ilinə hazırlıq işləri aparılır. Regionlarda da məktəblərin maddi-texniki bazasının möhkəmləndirilməsi, yeni məktəb binası və əlavə sinif otaqlarının tikintisi, əsaslı və cari təmiri işləri xüsusi diqqət mərkəzindədir.
Abşeron-Xızı Regional Təhsil İdarəsindən “Denaz.tv”-yə bilirilib ki, Masazır qəsəbə “Yeni Bakı” yaşayış massivində 1200 şagird yerlik yeni məktəb binasının inşası həyata keçirilib. 2021-ci ilin fevral ayından tikintisinə başlanılan təhsil müəssisəsində son tamamlama işləri görülür. Məktəbdə 50 sinif otağı, 6 laboratoriya, 2 əmək təlimi otağı, 2 informatika kabineti, hərbi hazırlıq kabineti, kitabxana, oxu zalı, akt zalı, yeməkxana, idman zalının fəaliyyət göstərəcəyi nəzərdə tutulur.
Yeni tikilən məktəb binası ilə yanaşı regionun bir sıra təhsil müəssisələrində cari və əsaslı təmir işləri aparılıb. Belə ki, Sumqayıt şəhər 21, 36 nömrəli tam orta, Abşeron rayon Hökməli qəsəbə tam orta, Saray qəsəbə 1 nömrəli, Qobu qəsəbə 3 nömrəli, Xırdalan şəhər 8 nömrəli və Novxanı kənd 1 nömrəli tam orta məktəblərində əsaslı təmir işləri həyata keçirilib. Sumqayıt şəhər 22, 26, Mehdiabad qəsəbə 5 nömrəli tam orta məktəblərdə, Sumqayıt şəhər 25, 30, 41, 47, 50, 52, 53, 54, 60 nömrəli körpələr evi-uşaq bağçalarında, eləcə də Xızı rayon Şorabad qəsəbə tam orta məktəbində isə cari təmir işləri aparılıb. Adı çəkilən təhsil müəssisələrinin bəzilərində hal-hazırda təmir işləri davam etməkdədir.
Abşeron-Xızı üzrə 1 məktəb tikilib, 7 məktəbdə əsaslı, 12 müəssisədə isə cari təmir işləri aparılıb-VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
