Vətəndaşların rahat gediş-gəlişini təmin etmək üçün yollarda aparılan təmir işləri sürətlə davam etdirilir.
Qısa vaxt ərzində Abşeron rayonunun Saray qəsəbəsində uzunluğu 2026 metr, eni 8.40 metr təşkil edən Mikayıl Müşfiq küçəsinin təmiri artıq yekunlaşıb.
Bu barədə "Denaz.Tv"-ə Abşeron rayon İcra Hakimiyyətindən məlumat verilib.
Sözügedən küçə uzun müddət əsaslı şəkildə təmir olunmadan istismar olunması nəticəsində yolboyu çalalar və torşəkilli çatlar əmələ gəlmişdi. Bu isə xüsusən payız-qış mövsümündə gediş-gəlişdə problemlərə səbəb olurdu.
Təmir işləri çərçivəsində yolboyu köhnə asfalt-beton örtüyünün frezlənməsi, zəruri yerlərdə əsasın deformasiyaya uğramış hissələri qazılaraq kənarlaşdırılması, əks-dolğu işləri görülüb. “İnşaat Norma və Qaydaları”nın tələblərinə əsasən yola yeni asfalt-beton örtüyünün döşənməsi işləri icra olunub. Artıq layihə çərçivəsində küçədə asfalt-beton örtüyünün döşənməsi yekunlaşıb.
Layihənin sonuncu mərhələsi olaraq avtonəqliyyat vasitələrinin normal hərəkətinin təşkili üçün yolcizgi və yolgöstərici xətlər, həmçinin piyada zolaqları çəkilməklə müasir yol infrastrukturu yaradılıb vətəndaşların istifadəsinə verilib.
Bütün bu işlər Abşeron rayon İcra Hakimiyyətinin sifarişi ilə Azərbaycan Avtomobil Yolları Dövlət Agentliyinin rəhbərliyinin nəzarəti altında aparılıb.
Saray qəsəbəsində Mikayıl Müşfiq küçəsi əsaslı şəkildə təmir edilib-FOTO/VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
