Azərbaycanda 2026-cı ilin noyabr ayı ərzində “Rəqəmsal media ayı” keçiriləcək.
Təşəbbüs Azərbaycanın Media və Yayım Şurası tərəfindən irəli sürülüb.
Şuradan verilən məlumata görə, layihənin əsas məqsədi rəqəmsal media sahəsində bilik və bacarıqları inkişaf etdirmək, media savadlılığını artırmaq, etibarlı və məsuliyyətli məzmun hazırlanmasını təşviq etmək, eləcə də gənclərin bu sahədə peşəkar inkişaf imkanlarını genişləndirməkdir.
Bildirilib ki, ay ərzində müxtəlif hədəf auditoriyaları üçün maarifləndirici proqramlar, praktiki təlimlər, peşəkar əlaqələrin qurulmasına yönəlmiş görüşlər və media kampaniyaları təşkil olunması planlaşdırılır.
