Axios portalının məlumatına görə, ABŞ prezidenti Donald Trampın təhlükəsizliyi ilə bağlı narahatlıqlar artıb, çünki etirazçılar Vaşinqtondakı restoranda ona çox yaxın məsafəyə gəlib çıxıblar.
Hadisə sentyabrda baş verib: pasifist təşkilat Codepink-in fəalları Ağ Evə yaxın restoranda Trampın olduğu vaxt “Kolumbiya dairəsinə azadlıq!” və “Fələstin azad olacaq!” şüarlarını səsləndiriblər. ABŞ Gizli Xidmətinin əməkdaşları etirazçıları prezidentdən uzaqlaşdırıblar.
Axios-un yazdığına görə, Trampın həmin restorana səfəri əvvəlcədən elan olunmayıb. Məlumata görə, bu, Vaşinqtonda təhlükəsizliyin artdığını sübut etmək məqsədilə həyata keçirilmiş planlaşdırılmamış ziyarət olub.
Ağ Evin administrasiya rəhbəri Syuzie Vaylz bildirib:
“ABŞ prezidentinə əvvəlcədən yoxlanmadan heç kimin yaxınlaşması qəbuledilməzdir.”
Gizli Xidmətin nümayəndəsi isə bütün restoran qonaqlarının, o cümlədən etirazçıların belə, prezident gəlməzdən əvvəl yoxlamadan keçdiyini açıqlayıb.
Tramp sonradan onu müdafiə edən əməkdaşları şəxsi qaydada tərifləyib.
Xatırladaq ki, 11 avqustda Tramp Vaşinqtona Milli Qvardiyanın göndəriləcəyini və paytaxt polisinin federal nəzarətə alındığını bəyan etmişdi.
