"Gülümsəyin, bu, ürəyiniz üçün faydalıdır": beyin infarktın müalicəsinə kömək edir

"Nikbin ovqat hətta kəskin miokard infarktının bərpasına da kömək edir..."
 
İsrail Texnoloji İnstitutunun alimləri sübut edib ki, psixoloji proseslər ürək-damar sisteminin işində həlledici rol oynayır.
 
Misli görünməyən tədqiqat İmmunologiya və Neyrobiologiya Mərkəzinin professorları Liora Hepşteyn və Asi Rollsun rəhbərliyi altında keçirilib.
 
Den.az xəbər verir ki, bu barədə "Nature Cardiovascular Research" jurnalı yazıb. Məlumatı "newsru.co.il" nəşri yayıb.
 
Emosional halın ürəyin vəziyyətinə təsiri yaxşı məlumdur. Məsələn, "qırılan qəlbin sindromu" adlanan və ürək tutmasına bənzəyən, lakin koronar arteriyaların tutulması əlamətləri olmayan kəskin stres zamanı belə olur. Amma müsbət emosiyalar ürək-damar fəaliyyətinə müsbət təsir edir.
 
Tədqiqatın gedişində müəyyən edilib ki, nikbin ovqat hətta kəskin miokard infarktının bərpasına da kömək edir. Lakin belə effektin əsasında dayanan mexanizmlər aydın deyil, alimlər qeyd edir.
 
İnfarktın fizioloji səbəbləri var, bu zaman koronar arteriyanın hissəvi və ya tam turulması səbəbindən qanın ürək əzələsinə (miokard) axını çətinləşir. Əgər oksigen uzun müddət miokarda daxil olmursa, toxumaların nekrozu və çapıqlaşması başlayır və nəticədə ürəyin qanı axıtmaq qabiliyyəti azalır.
 
Bu tədqiqat ürək tutmasından sonra psixi vəziyyətlə bərpa dinamikası arasında əlaqəni göstərib. O cümlədən müəyyən edilib ki, siçanlarda dofamin istehsal edən neyronların aktivləşməsi simpatik sinir sisteminin tənzimlənməsi hesabına immun aktivliyi modulyasiya edir.
 
"Beynin dofaminin köməkliyi ilə "ünsiyyətdə olan" sinir hüceyrələri ilə əlaqəli strukturları, yəni "mükafatlandırma sistemi" xeyli dərəcədə beyin qabığının ventral nahiyəsində dofaminin azad edilməsi hesabına xeyli dərəcədə fəallaşır.
Pozitiv gözləntilər və motivasiya neyronları stimulə edir.
 
Dofamin istehsal edən sistemin işinə fəal müdaxilə infarktdan sonra  zədələnən miokardda immun cavabın əlverişli modulyasıyasına, qan damarlarının fəal əmələ gəlməsinə, ürəyin işinin yaxşılaşmasına gətirib çıxarıb. Siçanlar daha tez bərpa edilib və özlərini yaxşı hiss edib", - məruzədə deyilir.
 
Hal-hazırda birbaşa motivasiya və pozitiv gözləntilərlə əlaqəli olan "mükafatlandırma sistemi"nin çoxsaylı stimuləedici metodları var.
 
"Mükafatlandırma sistemi"nin stimulə edilməsi dərman preparatları və fokuslaşmış ultrasəs daxil olmaqla əlçatan qeyri-invaziv vasitələrlə insanda da nail olmaq mümkündür.
 
"Bu elmi kəşfin nəticələri beynin motivasiya şəbəkəsi ilə kəskin infarktdan sonra bərpa arasında səbəb-nəticə əlaqəsini müəyyən edir, bununla da potensial terapevtik imkanlar açır", - alimlər bu qənaətə gəlib.