Arıqlamaq üçün hansı çörəyi yemək lazımdır?

Yalnız artıq çəkidən xilas olmaq deyil, həm də sümüklərinizi gücləndirmək, ürək sağlamlığınızı yaxşılaşdırmaq və bədəninizi faydalı maddələrlə doyurmaq istəyirsinizsə, müəyyən çörək növlərinə diqqət yetirməlisiniz. Bəs həkimlər hansı növ çörəkləri tövsiyə edir?

Den.az sizə onların adlarını təqdim edir:

1. Çox taxıllı çörək

Bu çörək buğda, yulaf, darı və s. kimi müxtəlif taxılların qarışığından hazırlanır. O, bitki lifi ilə zəngindir ki, bu da bədəni əlavə kalorilərlə yükləmədən tez toxluq hissi yaratmağa kömək edir.

Çox taxıllı çörəyin faydaları:

- Tərkibində kalsium, maqnezium, fosfor və kalium da daxil olmaqla çoxlu miqdarda vitamin və minerallar var.
- Sümükləri, dişləri, dırnaqları, ürək-damar sistemini gücləndirir.

- Balanslaşdırılmış tərkibi sayəsində sağlam enerji səviyyələrini dəstəkləyir.

2.    Çovdar çörəyi

Çovdar çörəyi kalorilərə diqqət göstərən və pəhrizinə sağlam məhsul daxil etmək istəyənlər üçün əla seçimdir. Buğda çörəyindən daha az kalori ehtiva edir və qida dəyərinə görə sağlam arıqlamağa kömək edir.

Çovdar çörəyinin faydaları:

-  Bədən hüceyrələrini möhkəmlətməyə kömək edən vacib bir amin turşusu olan lizinlə zəngindir.
-    Karbohidratların yavaş udulması səbəbindən qan şəkərinin səviyyəsini azaldır.
-    "Pis" xolesterolu azaltmağa kömək edir və qan damarlarının divarlarını gücləndirir.
-    Sağlam çəki saxlamaq üçün vacib olan iştahı tənzimləməyə kömək edir.

3.    Tam taxıl çörəyi

Bu çörək növü tam buğdadan hazırlanır, minimum emal sayəsində bütün qida maddələrini və lifi özündə saxlayır.
Tam taxıl çörəyinin faydaları:

-    Lif, B vitamini və minerallarla zəngindir.
-    Həzm sisteminin işini yaxşılaşdırır.
-    Qan qlükoza səviyyəsini və "pis" xolesterolu azaldır.
-    Hipertoniya, insult və piylənmə kimi xəstəliklərin inkişafının qarşısını alır.