"Qüvvət elmdədir başqa cür heç kəs, heç kimə üstünlük eyləyə bilməz". Müdriklərimiz bu ifadəni əsəb yerə işlətməyiblər. Tarix boyu elmi, savadı və intellektual səviyyəsi üstün olan insanlar digərlərindən fərqləniblər. Bütün bu xüsusiyyətlərə isə hər birimiz məktəbdə təhsil alarkən yiyələnirik. Bu baxımdan respublikanın orta ümumtəhsil məktəbləri arasinda özünəməxsus yer tutan və təhsilin səviyyəsi ilə fərqlənən Sumqayıt məktəblərini xüsusi qeyd etmək lazımdır. Şəhərin təhsil həyatında seçilən 12 nömrəli tam orta məktəb isə öz nəticələrinə görə əməlli-başlı fərqlənir.
Qeyd edək ki, məktəb 1959-cu ildən fəaliyyət göstərir. Direktor Reyhan Baxşiyevanın sözlərinə görə, təhsil ocağında 114 pedaqoji işçi 2400-ə yaxın şagirdin təlim-tərbiyəsi və təhsili ilə məşğul olur.
Məlumat üçün bildirək ki, məktəbdə 2019-cu ildən peşə , 2022-ci ildən isə informatika təmayüllü qruplar fəaliyyət göstərir. Bu qruplarda təhsil alan şagirdlər respublika fənn olimpiadalarında və digər təhsil yarışlarda çox böyük uğur qazanırlar.
Ümumiyyətlə, Abşeron-Xızı Regional Təhsil İdarəsinin tabeliyində olan bütün məktəblər yüksək təhsil nəticələrinə görə respublikada fərqlənir.
Müşviq Tofiqoğlu
Den.az
