İnsan yalnız elmi və bacarığı ilə başqalarından fərqlənə, onlara nisbətən üstün mövqeyə malik ola bilər. Necə deyərlər, "Qüvvət elmdədir başqa cür heç kəs, heç kimə üstünlük eyləyə bilməz". Bu gün özünün yeni inkişaf mərhələsinə qədəm qoyan Azərbaycanın təhsil müəssisələrində məhz gələcəyin savadlı kadrlarının, ən önəmlisi isə vətənə, dövlətə layiq şəxsiyyətlərin yetişdirilməsi üçün hər cür şərait yaradılıb. Yeni-yeni məktəblər tikilərək istifadəyə verilir, peşəkar kadrların hazırlanması prioritet təşkil edir, təhsil müəssisələrinin maddi-texniki bazası gücləndirilir. Belə məktəblərdən biri də Abşeron-Xızı Regional Təhsil İdarəsinin tabeliyində olan və Ceyranbatan qəsəbəsində yerləşən 1 nömrəli tam orta məktəbidir.
1983-cü ildən fəaliyyət göstərən məktəbdə hazırda 2285 şagird təhsil alır. Onların təlim-tərbiyyəsi ilə 150 nəfərdən ibarət pedaqoji heyət məşğul olur. Direktor Nuranə Vəliyeva məktəbin uğurları haqqında danışarkən bildirib ki, 2023-2024-cü tədris ilində 126 şagird məzun olub. Onlardan 66 nəfəri ali məktəbi qazanıb, 7 nəfər 600-dən yuxarı bal toplayıb. Direktor əlavə edib ki, 2024-2025-ci tədris ilində fənn müsabiqələrində və olimpiadalarda şagird sayını artırmaq ən böyük hədəf kimi qarşıya qoyulub.
Təhsilin, məktəbin vəzifəsi insanı həyata hazırlamaqdır. Savadlı insan əşya və hadisələrə qiymət verməyi, sağlam ünsiyyət qurmağı bacarmalıdır. Təhsilin başlıca məqsədi cəmiyyət üçün zəruri və faydalı şəxsiyyətin, yüksək mənəvi potensiala malik, əməyi arzulayan və əməya qadir olan ideyaca mətin, estetik cəhətdən həssas və fiziki cəhətdən inkişaf etmiş insanın formalaşmasıdır. Ceyranbatan qəsəbə 1 nömrəli tam orta məktəbin pedaqoji kollektivi qarşıya məhz bu məqsədi qoyub. Dərslərin interaktiv üsulla keçirilməsi, siniflərdəki nizam-intizam, müəllimlərin fərqli və maraqlı metodlarla öz fənnlərini tədris etməsi bunun əyani sübutudur.
Qeyd edək ki, Abşeron-Xızı Regional Təhsil İdarəsinin tabeliyində olan bütün təhsil müəssisələri öz yüksək qəbul nəticələrinə, fənn olimpiadalarında qazanılan uğurlara görə, respublikanın orta ümumtəhsil məktəbləri arasında xüsusilə fərqlənir. Bu, adıçəkilən idarənin rəhbərliyinin təhsil müəssisələrinə göstərdiyi diqqət və qayğının nəticəsi kimi dəyərləndirilə bilər.
Ceyranbatan qəsəbəsində yerləşən bu məktəbdə gələcəyin əsl vətənpərvər gəncləri yetişdirilir-VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
