Məktəb insan həyatının ikinci dünyasıdır. Həm də elə bir dünyadır ki, hər kəsin taleyində, həyatında mühüm rol oynayır, əvəzsiz xidmətləri ilə yaddaşlarda iz qoyur. Şagirdlərin taleyində, həyatında mühüm rol oynayan, əvəzsiz xidmətləri ilə onların yaddaşlarında iz qoyan təhsil müəssisələrindən biri də Sumqayıt şəhərində yerləşən 1 saylı tam orta məktəbidir. Şəhərin qabaqcıl təhsil ocaqlarından sayılan bu məktəb öz yüksək təmiri və müasir avadanlıqlarla təchiz edilməsi baxımından xüsusilə seçilir. Məktəbdə müasir tələblərə cavab verən sinif otaqları, maraqlı kitablarla zəngin kitabxanası, müxtəlif fənn otaqları, idman zalı mövcuddur. Şagirdlərin yüksək səviyyədə təhsil alması üçün lazımi şəraitin yaradıldığı məktəbdə dərslər əsasən interaktiv üsulla tədris olunur.
Direktor Kəmalə Hüseynova deyir ki, məktəbin şagirdlərinin uğur qazanmasında və yüksək nailiyyətlər qazanılmasında müəllimlərim əməyi çox böyükdür. "Dünyanın bir bəzəyi var, o da insandır. Əgər insan yetişdirə bilmişiksə, deməli nəyəsə nail olmuşuq", - deyir Kəmalə Hüseynova və əlavə edir ki, məktəb şagirdə təhsillə yanaşı, həm də tərbiyə verir. Onun bir insan, şəxsiyyət kimi formalaşmasında önəmli rol oynayır. Ona görə də, həmişə çalışmışıq ki, cəmiyyətimizə layiqli, tərbiyəli, savadlı övladlar yetişdirək.
Qeyd edək ki, dövlətin diqqət və qayğısı, Abşeron-Xızı Regional Təhsil İdarəsinin təhsillə bağlı apardığı işlər yüksək səviyyədədir. Yeni təhsil ocaqlarının tikilməsi, köhnələrin təmir olunması, təhsil sahəsində verilən qərarlar, müxtəlif layihələrin həyata keçirilməsi dövlətin təhsilə göstərdiyi qayğının bariz sübutudur. Bu diqqətin nəticəsidir ki, Respublikanın bütün təhsil ocaqları arasında Sumqayıt məktəbləri xüsusilə seçilir və şəhərin təhsil sektoru hər ötən gün daha da inkişaf edir.
Sumqayıtın 1 nömrəli tam orta məktəbinin təhsil uğurlarının sirri - VİDEO

Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.