Sumqayıtda generalın adın daşıyan məktəbin təhsil uğurları - VİDEO

Tarix boyu insanın inkişafı pedoqoqların, psixoloqların və insan mühəndislərinin diqqət mərkəzində olub. Bu diqqət həm də arzuolunan insan şəxsiyyətinin formalaşdırılmasının nə qədər önəmli olduğunu ön plana çəkir. İnsanın inkişafı prosesində onda formalaşan müxtəlif qabiliyyət və bacarıqlar paralel olaraq şəxsiyyətin formalaşmasında da mühüm rol oynayır. Məktəblərin yuxarıda qeyd olunan ali missiyaları ilə yanaşı, həm də formal təhsil vermək kimi vəzifəsi mövcuddur. Bu iki önəmli prosesin birgə həyata keçirilməsi gələcəyin insan kapitalının dəyərini daha da artırır. Azərbaycanın orta ümumtəhsil müəssisələri bütün bu sadalanan vəzifələrin öhdəsindən layiqincə gəlməyi bacarır. Ölkənin təhsil sektorunun mühüm bir hissəsi olan Sumqayıt məktəbləri də qarşıya qoyulan bu müqəddıs amal uğrunda çox yüksək səylə çalışır. Belə təhsil müəssisələrindən biri də Milli Qəhrəman Polad Həşimovun adını dayışan 28 nömrəli tam orta məktəbdir.

Sözügedən məktəbə ilk ayaq basan andan burada sözün əsl mənasında gələcəyin elmli, savadlı və ən əsası vətənpərvər gənclərinin yetişdirildiyini görmək olur. Çünki təhsil müəssisəsində şagirdlərə yüksək səviyyədə elmi bilikləri aşılamaqla yanaşı, həm də vətən uğrunda canını fəda edən şəhidlərimiz, milli qəhrəmanlarımız, dövlət və ictimai-siyasi xadimlərimiz da tanıdılır. Onların fotolarının məktəbin foyesində əks olunması bunun bariz nümunəsi sayıla bilər. Məktəbdə dərslər isə yüksək peşəkar pedaqoqlar tərəfindən interaktiv üsulla keçirilir. Elə bunun nəticəsidir ki, 28 nömrəli tam orta məktəb öz uğurları ilə Sumqayıtın digər təhsil müəssisələri arasında xüsusilə seçilir.

Direktor Araslan Rzayevlə elə Milli Qəhrəman Polad Həşimovun məktəbdə yaradılan muzeyində bizimlə söhbət zamanı bildirib ki, 1979-cu ildən fəaliyyət göstərən təhsil müəssisəsində hazırda 2495 şagird təhsil alır. Bu qədər şagirdin təlim-tərbiyyəsi ilə 101 pedaqoji heyət məşğul olur. Həmçini 30 texniki işçi təhsil müəssisəsinin maddi-texniki bazasının, invertarların qorunub-saxlanması üçün əmək sərf edir. 

Məktəbin uğurlarından danışan direktorun sözlərinə görə, ötən il təhsil müəssisəsinin məzun olan 3 sinfinin şagirdləri 100 faizlik nəticə göstərib və  ali məktəblərə qəbul olunub. Eyni zamanda 27 şagird məktəbi fərqlənmə ilə bitirb, 2 şagird isə 650-dən yuxarı bal toplayıb. Məktəbin şagirdi Məryəm Ağazadə isə 300 mümkün baldan 298 bal toplayaraq təhsil müəssisəsinin adını ucaldıb. 

Araslan Rzayev onu da əlavə edib ki, hazırda məktəbin pedaqoji kollektivinin ən böyük hədəfi fənn olimpiadalarında və müsabiqələrində medal qazanmaqdır. 

Ailəmizlə cəmiyyətimiz arasında ən yaxşı, sağlam körpü məhz məktəbdir. Dünyanı anlayan, dəyərini bilən və daha yaxşı gələcəyi formalaşdırmaq üçün çalışan, sadəcə öz ölkəsinin deyil, dünyanın vətəndaşı olmağı hədəfləyən insan kapitalının formalaşdırılmasının yolu təhsildən, məktəbdən keçir.