“Gənclik və həmrəylik şəhəri” olan Sumqayıtın 75 yaşı tamam olur.
Den.az xəbər verir ki, 75 il öncə, 22 noyabr 1949-cu ildə Sumqayıta şəhər statusu verilib.
Sumqayıtın ilk sənaye obyekti olan İstilik Elektrik Stansiyası 1941-ci ildə işə düşüb. Sumqayıt ərazisində şəhərin yaranması burada tikilən İstilik Elektrik Mərkəzi və Boruyayma zavodu ilə bağlıdır.
Hazırda “gənclik şəhəri” ölkənin ikinci böyük sənaye mərkəzidir. 500 minə yaxın əhalisi olan Sumqayıt öz məşhur elm adamları, idmançıları, sənətçiləri, təhsili, ənənəvi olaraq hər il qəbul imtahanlarında ən yüksək bal toplayan gəncləri ilə tanınır.
Sumqayıtın qədim tarixi var. Ancaq şəhər kimi Sumqayıt 75 il bundan əvvəl formalaşdı. 1949-cu il noyabrın 22-də Nazirlər Sovetinin qərarı ilə Sumqayıt şəhəri yaradılmış və Sumqayıtın sürətli inkişafı başlamışdır. Sumqayıt sənaye şəhəri kimi formalaşdı, kimyaçılar şəhəri kimi inkişaf etdi. Sumqayıtda bir çox sənaye müəssisələri, yeni iş yerləri yaradılmışdır. Azərbaycanın müxtəlif bölgələrindən Sumqayıta kadrlar gəlməyə başlamışdır. Eyni zamanda, Sovet İttifaqının digər respublikalarından gələnlər Sumqayıtda işlə təmin olunmuşdular.
Hazırda Sumqayıt ekoloji cəhətdən təmiz bir şəhərdir, havası təmizdir, təbiəti çox gözəldir. Əminəm ki, bu istiqamətdə bundan sonra da atılacaq addımlar Sumqayıtı daha da gözəlləşdirəcək. Ölkə başçısının diqqət və qayğısı sayəsində şəhər son illər dahada inkişaf edib. Yeni infrastruktur layihələr icra olunub. Yaradılan hər bir şərait Sumqayıtlıların ürəyincədir.
Sumqayıt 75 yaşını qeyd edir-VİDEO
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
