Sumqayıtda səfərdə olan Avstriyanın Lints şəhərinin meri Klaus Luqer Qafqazın ən böyük sənaye komplekslərindən birinə, Sumqayıt Texnologiyalar Parkına baş çəkib. Avstriyalı meri burada Sumqayıt şəhər İcra Hakimiyyəti başçısının Birinci müavini Teymur Səmədov və Sumqayıt Texnologiyalar Parkının əməkdaşları qarşılayıb. Klaus Luqer STP-də fəaliyyət göstərən zavodların fəaliyyəti və müxtəlif növ sənaye məhsullarının istehsal prosesi ilə tanış olub.
Merə məlumat verilib ki, 2009-cu ildə Sumqayıtın Hacı Zeynalabdin qəsəbəsində 152 ha ərazidə salınan texnologiya parkı Cənubi Qafqazda və Azərbaycanda yaradılan ilk sənaye subyektidir. STP-nin istehsal və tikinti-quraşdırma sahələrində hazırda 2000-dən çox insan məşğuldur və bütün planlaşdırılan yerlərin işə salınması halında 10 min nəfərin işləməsi mümkündür.
Mer Klaus Luqer Sumqayıt Texnologiyalar Parkında yaradılan şəraitdən və müasir standartlara cavab verən, modern avadanlıqlarla təchiz olunan istehsal müəssisələrinin fəaliyyətindən heyrətini gizlətməyib.
Daha sonra Avstriyanın Lints şəhərinin meri Klaus Luqer və Sumqayıt şəhər İcra Hakimiyyətinin başçısı Zakir Fərəcov Vətənimizin suverenliyi uğrunda canını fəda edən şəhidlərimizin uyuduğu Sumqayıt Şəhidlər Xiyabanını ziyarət edib.
Merin diqqətinə çatdırılıb ki, bu xiyabanda Birinci və İkinci Qarabağ Müharibəsində şəhid olan qəhrəman oğullarımız uyuyur.
Şəhidlər Xiyabanını ziyarət edən qonaqlar daha sonra "Göyərçin" Parkına baş çəkiblər.
Burada şəhər İcra Hakimiyyətinin başçısı avstriyalı merə park və "Göyərçin" abidəsi haqda məlumat verib. Bildirib ki, memarlıq abidəsi 1978-ci ildə tikilib. Sumqayıtı sülh və əmin-amanlıq şəhəri kimi təmsil edən abidə həm də şəhərin simvolu sayılır. Zakir Fərəcov və Klaus Luqer "Göyərçin" abidəsi fonunda xatirə şəkili çəkdiriblər və oradan açılan dəniz mənzərəsini seyr ediblər.
Avstriyalı qonaqlar Sumqayıt Tarix Muzeyində də olublar. Muzey rəhbərliyi xarici qonağa ətraflı məlumat verib. Bildirib ki, Sumqayıt Tarix Muzeyi 1967-ci ildə yaradılıb və 9 ekspozisiya zalından ibarətdir. Muzeyin ümumi sahəsi 2680 kvadrat metrdir. XVI əsrdən başlayaraq bu günümüzə qədər xronoloji ardıcıllığı əks etdirən 15000 eksponat muzeydə mühafizə olunur.
Avstriya meri Klaus Luqer və Sumqayıt şəhər İcra Hakimiyyətinin başçısı Zakir Fərəcov Sumqayıtdakı "Lüdviqsafen" parkına baş çəkərək burada yaradılan şəraitlə tanış olub. Bildirilib ki, şəhərin 9-cu mikrorayon ərazisində yerləşən park 1997-ci ildə Sumqayıt-Lüdviqsafen əlaqələrinin 20 illiyi münasibətilə salınıb. Qeyd edək ki, parkda gəzinti zamanı şəhər sakinləri icra başçısına yaxınlaşaraq yaradılan şəraitə görə təşəkkürlərini bildiriblər.
Avstriyanın Lints şəhərinin meri Klaus Luqer Sumqayıtdan xoş təəssüratla ayrılıb.
Avstriyalı merin Sumqayıtla bağlı təəssüratları-VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
