Sumqayıtda səfərdə olan Polşanın Belostok şəhərinin meri Tadeuş Truskolyaskinin şərəfinə Muğam Mərkəzində konsert proqramı təşkil olunub.
Tədbirdə Sumqayıt şəhər İcra Hakimiyyətinin başçısı Zakir Fərəcov, idarə, müəssisə və təşkilatların rəhbərləri, şəhər ictimaiyyətinin nümayəndələri iştirak ediblər.
Öncə Sumqayıt şəhər İcra Hakimiyyətinin başçısı Zakir Fərəcov, Polşanın Belostok şəhərinin meri Tadeuş Truskolyaski və qonaqlar bir-birindən gözəl milli və xarici musiqi nömrələrini, muğam ifalarını dinləyiblər.
Tədbirin bədii hissəsi yekunlaşdıqdan sonra rəsmi hissədə Sumqayıt şəhər İcra Hakimiyyətinin başçısı Zakir Fərəcov çıxış edib. O, Belostok şəhərinin merini Sumqayıtda görməkdən məmnun olduğunu diqqətə çatdırıb. Bildirib ki, son illər Azərbaycan-Polşa iqtisadi və ticarət əlaqələri sahəsində mühüm irəliləyişlər əldə edilib. Azərbaycan-Polşa münasibətləri hər iki ölkənin rəhbərliyi tərəfindən strateji tərəfdaşlıq kimi qiymətləndirilir. İki şəhərin nümayəndə heyətlərinin qarşılıqlı səfərləri dostluq əlaqələrini daha da möhkəmləndirir. Zakir Fərəcov Sumqayıtın dünyanın 20-ə yaxın şəhəri ilə qardaşlıq və tərəfdaşlıq əlaqələri qurduğunu xatırladıb. Onların sırasında 2013-cü ilin avqust ayında dostluq və əməkdaşlıq haqqında imzalanan Niyyət Protokoluna əsasən Polşanın Belostok şəhərinin olmasından məmnunluğunu ifadə edib. İcra başçısı gələn il böyük nümayəndə heyəti ilə Polşanın Belostok şəhərinə səfər edəcəyini vurğulayıb.
Sumqayıt şəhər İcra Hakimiyyətinin başçısı Zakir Fərəcov polşanın Belostok şəhərinin merinə üzərində Sumqayıtın simvolları olan xalça hədiyyə edib.
Belostok şəhərinin meri Tadeuş Truskolyaski yüksək qonaqpərvərliyə və səmimi münasibətə görə təşəkkürünü bildirib. Sumqayıt və Belostok şəhərləri arasında 2013-cü ildən dostluq əlaqələrinin qurulduğunu qeyd edən mer bu münasibətlərin iki şəhər arasında mədəni, iqtisadi və sosial sahələrdə əməkdaşlığın inkişafına böyük töhfə verdiyini vurğulayıb. O, həmçinin gələcəkdə bu əlaqələrin daha da möhkəmləndirilməsi və yeni layihələrin həyata keçirilməsi üçün səylərini əsirgəməyəcəyini qeyd edib.
Qeyd edək ki, mer Tadeuş Truskolyaskinin Sumqayıta səfəri çərçivəsində ikitərəfli münasibətlərin müxtəlif aspektləri və qarşılıqlı maraq doğuran sahələrdə əməkdaşlığın perspektivləri barədə fikir mübadiləsi aparılıb.
Sumqayıtda səfərdə olan Polşanın Belostok şəhərinin meri Tadeuş Truskolyaskinin şərəfinə konsert proqramı təşkil olunub-VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
