“Kimyaçı” Mədəniyyət Sarayı Sumqayıt şəhərinin 75 illiyinə həsr olunan möhtəşəm tədbir keçirilib. Abşeron-Xızı Regional Mədəniyyət İdarəsinin təşkilatçılığı ilə keçirilən tədbirdə Sumqayıt şəhər İcra Hakimiyyətinin başçısı Zakir Fərəcov, idarə, müəssisə və təşkilat rəhbərləri, şəhərin mədəniyyət işçiləri və ictimaiyyət nümayəndələri iştirak ediblər.
Öncə “Kimyaçı” Mədəniyyət Sarayının foyesində təşkil edilən əl işlərindən ibarət sərgiyə baxış keçirilib.
Tədbirdə çıxış edənlər Sumqayıtın şəhər kimi yaranmasından, formalaşmasından və keçdiyi inkişaf yolundan söz açıblar. Bildirilib ki, Sumqayıtın ölkə həyatında özünəməxsus yer tutması təkcə onun yaranma tarixi, respublika iqtisadiyyatında mühüm rolu ilə kifayətlənmir. Bu şəhəri fərqləndirən əsas cəhətlərdən biri və ən başlıcası burada formalaşan təkrarsız mühitdir. Sumqayıt vətənimizin bir çox bölgəsindən təşrif buyuran insanların mehriban ailəsinin məskənidir. Azərbaycanın hansı yerindən gəldiyinə fərq qoymadan hər bir insanı ağuşuna alan bu şəhərdə möhkəm qardaşlıq və dostluq özünün parlaq ifadəsini tapmıb. Bu gün Sumqayıt özünün inkişafının ən pik mərhələsinə qədəm qoyub. Şəhərdə yaradılan yüksək infrastruktur, həyata keçirilən abadlıq və quuruculuq, əhalinin rifah halının yaxşılaşdırılması üçün atılan addımlar ümumilikdə ölkə başçısının bu şəhərə göstərdiyi xüsusi diqqət və qayğının bariz nümunəsidir.
Çıxışlardan sonra tədbir Respublikanın tanınmış incəsənət xadimlərinin iştirakı ilə təşkil olunan konsert proqramı ilə davam etdirilib.
Sumqayıtın 75 illiyinə həsr olunan tədbir keçirilib - VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
