"Bakı Apellyasiya Məhkəməsi Müsavat Partiyasının sabiq başqanı İsa Qəmbərə pensiya təyin olunması ilə bağlı şikayəti təmin etmədi. Birinci instansiya məhkəməsinin qərarını qüvvədə saxladı. Biz də Ali Məhkəməyə müraciət etmişik. Hələ ki prosesin vaxtı açıqlanmayıb”.
Den.az bildirir ki, bu sözləri Pravda.az-a açıqlamasında İ.Qəmbərin vəkili Nemət Kərimli deyib.
Qeyd edək ki, 2022-ci ilin mayın 11-də İsa Qəmbərə yaşa görə 180 manat müavinət kəsilib. Dövlət Sosial Müdafiə Fondu bəyan edib ki, qanun pensiya hüququ üçün ya 25 il sığorta stajı, ya da minimum pensiya kapitalı (hazırda 34560 manatdır) şərti qoyur, İsa Qəmbərin sənədləri isə bu şərtlərə uyğun gəlmir. İ.Qəmbər pensiya yaşına (65 yaş) 2022-ci il fevralın 24-də çatıb. Sentyabrın 12-si Bakı İnzibati Məhkəməsində İ.Qəmbərin şikayəti üzrə keçirilən məhkəmə prosesi heç bir nəticə verməyib. Məhkəmə qarşısında İsa Qəmbərə Milli Məclis sədrinin 80% maaşı miqdarında pensiya təmin edilməsi iddiası qaldırılmışdı. Yeri gəlmişkən, parlament sədrinin aylıq vəzifə maaşı 3550 manatdır. Bu məbləğin 80%-i 2840 manat edir.
İsa Qəmbər Ali Məhkəməyə müraciət etdi
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
