“Qərbin təyin etdiyi Ermənistan hakimiyyəti Rusiyanın regionda təsirinin tədricən neytrallaşdırılmasına çalışır. Bütün bunları birdən etmək mümkün deyil”.
Den.az xəbər verir ki, bunu Ermənistanın baş naziri Nikol Paşinyanın mətbuat konfransında səsləndirdiyi fikirləri şərh edən politoloq Armen Badalyan deyib.
“Paşinyanın siyasəti günün axarı ilə ayaqlaşmağa hesablanıb. Yəni Paşinyan düşünür ki, Rusiya müharibədə qalib gəlsə, Ermənistan hakimiyyəti Moskvanın yanında olacaq. Ancaq Rusiya uduzsa, Zəngəzur dəhlizinə nəzarət edə bilməyəcək. Üstəlik, Zəngəzur dəhlizi açılmadan, Paşinyan sülh müqaviləsi bağlaya bilməz. Çünki Qərb bunu tələb edir. Bu dəhliz Qərbin nəzarətində olmalıdır ki, bütün marşrut xətti Rusiyanın nəzarəti olmadan işləyə bilsin”, – deyə Badalyan bildirib.
Paşinyanın Ruben Vardanyanı sərt tənqid etməsinə gəlincə, ekspert bunun Rusiyaya yönəldiyini qeyd edib.
“Paşinyan dedi: Rusiya! Ruben Vardanyanı siz gətirdiniz, onu siz də azad etməlisiniz. Ancaq Ruben Vardanyan Ermənistana gəlib heç nə edə bilmədi. O sadəcə bir partiya yaratmağa nail oldu, hansı ki, heç İrəvan Ağsaqqallar Şurasına belə girməyi bacarmadı”, – deyə Badalyan vurğulayıb.
Günəş Fərəh
Den.az
Rusiya müharibədə qalib gəlsə, Ermənistan hakimiyyəti Moskvanın yanında olacaq - Badalyan
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
