Uzun illərdir yaşadıqları evlərindən bir anın içində çıxmaq təhlükəsi ilə üzləşiblər.
Den.az xəbər verir ki, söhbət Sumqayıt şəhər beton zavod ərazisi, gecəqondu məhəlləsindən gedir.
Burada məskunlaşan sakinlər iddia edirlər ki, bir günün içində onlara ərazini alan sahibkarın müraciəti əsasında məhkəmə bildirişi gəlib və evlərini tərk etmələri tələb olunub. Gözlənilməz hal ilə rastlaşan sakinlər indiyədək heç kəsin onlara bununla bağlı xəbərdarlıq etmədiyini bildirirlər.
Sakinlərin sözlərinə görə, ərazini alan sahibkarı tanımırlar və heç vaxt üzünü görməyiblər. Üstəlik, heç bir kompensasiya təklif edilmədən evlərini tərk etmələri tələb olunur ki, bu da insanları çarəsiz vəziyyətə salır.
Sumqayıt şəhər bələdiyyəsinin beton zavod ərazisi üzrə 1 saylı inşaatçı məhəllə komitəsinin sədri Gülnarə Ağayeva da sahibkarı tanımadığını və hər şeyin gözlənilmədən baş verdiyini deyib. İnsanların bu ərazidə 20-30 ildən çoxdur məskunlaşdığını təsdiqləyib.
Məsələ ilə bağlı ərazini aldığı deyilən sahibkarın vəkili Nizami İbrahimov Xəzər Xəbərə bildirib ki, həmin ərazi gecəqondudur və qanunsuz tikililərdir. Ona görə də, məhkəməyə müraciət olunub və sakinlərin şəxsi ərazidən çıxarılması tələbi qoyulub.
Vəkilin sözlərinə görə, mövcüd məsələ ilə əlaqəli sakinlərə heç bir kompensasiya ödənişi nəzərtdə tutulmayıb. İndi çarəsiz qalan vətəndaşlar getməyə yerlərinin olmadığını bildirirlər və aidiyyatı qurumlardan kömək istəyirlər.
Daha ətraflı XəzərXəbərin reportajında:
Sumqayıtda bu məhəllənin sakinləri evlərindən NİYƏ ÇIXARILIR?-VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
