Mehdiabad qəsəbəsində yaşayış evlərinə gedən yolu satıblar... İDDİA-VİDEO

Abşeron rayon Mehdiabad qəsəbəsində ərazinin qanunsuz olaraq satıldığı iddia edilir.
Xezerxeber.az-ın xəbərinə görə, qəsəbədə Pərviz Musayev küçəsinin sakinləri bildirir ki, evlərinə avtomobillə gedə bilmirlər. Buna səbəb avtomobil yolunun qanunsuz olaraq bir gecənin içində satılmasıdır.

Hazırda sakinlər çarəsiz qalıb. Yolun qazılmasından sonra avtomobillər də hərəkət edə bilmir.
Mövcud məsələdən Mehdiabad qəsəbə Bələdiyyəsi də xəbərdardır. Hətta sakinlərin müraciəti əsasında həmin ünvana baxış keçirilib.

Bələdiyə sədri “Xəzər Xəbər”ə bildirib ki, yolun qazılan hissəsi həqiqətən də qanuni olaraq bir şəxsə aiddir. Orada sonradan yol salınıb. İndi sahibi həmin ərazini tələb edir. Onunla danışıq aparılıb və alternativ ərazi təklif edilib.

Vətəndaşlar bildirib ki, problem qısa vaxt ərzində həll olunmasa hüquq-mühafizə orqanlarına müraciət edəcəklər.

Mövzu ilə bağlı daha ətraflı videomaterialı təqdim edir: