Sumqayıtda yaşayış binasının həyəti çökdü-30 AİLƏ TƏHLÜKƏDƏ-VİDEO

Yaşayış binasının həyəti çöküb, yolda iri çatlar əmələ gəlib. Bu səbəbdən yaxınlıqda yaşayan 30 ailənin həyatı üçün təhlükə yaranıb.

Den.az xəbər verir ki, hadisə Sumqayıt şəhər 20-ci məhəllə ərazisində baş verib.

Ərazidə yaşayan sakinlər iddia edir ki, binanın iki metrliyidən iri kanalizasiya xətti keçir. 1949-cu ildən istifadə olunan kanalizasiya xətti isə istismar müddətini başa vurub. Bu səbəbdən həmin ərazidə iri çökmə baş verib.Artıq sakinlər gecələr evlərində qalmağa qorxur. Bildirirlər ki, çökmənin əhatə dairəsi genişlənərsə bu böyük bir faciəyə yol aça bilər.

İri Şəhərlərin Birləşmiş Su Təhcizatı Xidməti Publik Hüquqi Şəxsi Sumqayıt Su Kanal İdarəsindən XəzərXəbərə bildirilib ki, 20-ci məhəllə ərazisində baş verən çökmə hadisəsindən xəbərləri var. Sözü gedən ünvanda 6 metr dərinlikdən iri kanalizasiya xətti keçir. Hətta orada yaşayan sakinlərlə bu barədə fərdi söhbətlər aparılıb və ərazi təhlükəli olduğu üçün lentlənib. Ancaq təmir bərpa işlərinin aparılması üçün ərazinin genişlənməsinə və mövcud ağacların çıxarılmasına, eləcədə hasarların sökülməsinə ehtiyac yaranıb. Buna görə aidiyyatı qurumlara bu işlərin görülməsi, həmçinin ərazidə iri texnikaların çalışması üçün şəraitin yaradılması məqsədi ilə müvafiq müraciət ünvanlanıb. Problemin qısa vaxt ərzində aradan qaldırılması nəzərdə tutulub.