Lerik rayonunun Sipyareğon kənd sakinləri transformatorun və elektrik dirəklərinin qəzalı vəziyyətdə olmasından şikayətlənir.
Sakinlərin "Den.az"a verdiyi məlumata görə, kənddəki transformator istismar müddətini çoxdan başa vurub. Belə ki, transformator 1967-ci ildə istismara verilib, hazırda üstü açıq və qəzalı vəziyyətdədir.
Sakinlər onları narahat edən problemlərlə bağlı redaksiyamıza müraciət etmək məcburiyyətində qalıblar. Onlar bildirir ki, elektrik dirəkləri sovet dövründən qalıb və naqillər ağaclardan çəkilib. Bu da naqillərdə qısaqapanma və tez-tez işıqların sönməsinə gətirib çıxarır. Nəticədə məişət texnikalarının sıradan çıxması adi hala çevrilir.
Sakinlər bildirir ki, kənddə 2017-ci ildə yeni transformator quraşdırılsa da, yeddi ildir ki, istifadəyə verilmir. Bununla bağlı dəfələrlə müraciət etmələrinə baxmayaraq, sakinlərin problemi həllini tapmır.
Məsələ ilə bağlı "Azərişıq" ASC ilə əlaqə saxlasaq da, zənglərimizə cavab verən olmadı. Hər bir halda ümid edirik ki, problem aidiyyatı qurumlara çatacaq və məsələ tezliklə həll olunacaq.
Den.az
Lerikdə qoyulan təzə transformator 7 ildir niyə istifadəyə verilmir? - FOTOLAR
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
