Sumqayıt şəhərində müasir nəqliyyat infrastrukturunun yaradılması, keyfiyyətli nəqliyyat xidmətlərinin göstərilməsi, sərnişin daşınması sahəsində rahatlığın təmin olunması istiqamətində mühüm layihələr icra olunur.
Den.az xəbər verir ki, son illər Sumqayıt şəhərində 200-dən çox Türkiyə istehsallı olan, müasir tələblərə cavab verən avtobuslar şəhərimizə gətirilərək marşrut xətlərinə buraxılıb. Şəhər ərazisində 100-ə yaxın yeni dayanacaqlar quraşdırılıb.
Sumqayıt şəhər İcra Hakimiyyəti və SOCAR-ın “Azərkimya” İstehsalat Birliyinin birgə təşkilatçılığı ilə Səməd Vurğun küçəsində növbəti 8 dayanacaq quraşdırılıb.
Qeyd edək ki, Səməd Vurğun küçəsi şəhərin ən böyük küçələrindən biridir. Küçənin sənaye zonasından keçən hissəsində sakinlər ictimai nəqliyyatdan daha çox istifadə edir. Buradan 3 müntəzəm marşurut xətti fəaliyyət göstərir. Gündəlik minlərlə şəhər sakini bu marşurutlardan istifadə edir. Quraşdırılan yeni dayanacaqlar sakinlərin rahatlığını təmin edəcək.
