Xərçəng xəstəsi olan gənc qadın xeyirsevər insanlardan yardım istəyir - FOTOLAR

"Əl tutmaq, İmam Əlidən (ə) qalıb". Dünyaya gözümüzü açandan böyüklərimizin dilindən məhz bu müqəddəs kəlamı eşitmişik. Bəli, hər bir insan imkan daxilində ətrafında yardıma ehtiyac duyanlara "əl tutmalı"dır. Redaksiyamıza müraciət edən ağır sinir xərçəngi İsayeva Alidə Ayaz qızının ailə üzvləri də xeyirsevər insanların yardımına ümid bəsləyir.

Den.az xəbər verir ki, əslən Ucar rayonunun Müsüslü kəndindən olan 34 yaşlı Alidə İsayeva uzun müddətdir ki, ağır formalı sinir xərçəngindən əziyyət çəkir. Azyaşlı övladları olan Alidə İsayevanın kimya terapiyası və müalicəsi üçün böyük məbləğdə pul vəsaiti tələb olunur. Lakin valideynlərini itirən gənc qadının və onun yaxınlarının bu qədər vəsaiti toplamağa maddi imkanları çatmır. Buna görə də, xeyirsevər və imkanlı şəxslərdən yardım istəyirlər. 

İnanırıq ki, yardımsevər insanlar çarəsiz vəziyyətdə olan gənc qadına kömək edəcəklər. Unutmayaq ki, hər kəs imkanı çatan qədər məbləği göndərsə, bir insanın həyatını xilas etmək mümkün olar. Necə deyərlər, "damla-damla göl olur". Gəlin yetim qadını, azyaşlı övlad sahibi olan gənc ananı və ən əsası ağır xəstəlikdən əziyyət çəkən bir insanı darda qoymayaq.




Den.az