Ötən ayın son ongünlüyündə Azərbaycanın bir sıra bölgələrində ardıcıl yeraltı təkanlar baş verib. Zəlzələlər Şamaxı, Laçın və Cəlilabad rayonlarında, Mingəçevir su anbarında, Xəzər dənizində qeydə alınıb. Mütəxəssislər daha öncə cari ildə seysmik aktivliyin müşahidə olunacağını qeyd etmişdilər. Bəs görəsən 2025-ci ildə də seysmik aktivlik müşahidə olunacaqmı?
Den.az bildirir ki, Geologiya və Geofizika İnstitutunun (GGİ) Seysmologiya və seysmik təhlükənin qiymətləndirilməsi şöbəsinin müdiri Qulam Babayev İqtisadiyyat.az-a açıqlamasında 2024-ci ilin seysmik və tektonik ili kimi səciyyələndiyini xatırladıb.
Bu prosesin hazırda da davam etdiyini söyləyən şöbə müdiri bildirib ki, mövcud seysmik və tektonik aktivlik səngimir. Mütəxəssisin sözlərinə görə, bu da o deməkdir ki, 2025-ci ilin əvvəllərində də bu proses davam edəcək:
"Hazırda tektonik dövrlülük davam edir. Düşünürəm ki, ən azı 2025-ci ilin ilk aylarında da bu aktivlik davam edəcəkdir. Amma 2025-ci ildə dağıdıcı zəlzələlər olacağını hesab etmirəm, ölkəmizdə bu gözlənilmir. Çünki Azərbaycan regionunda yerdəyişmə sürəti və intensivliyi digər ölkələr - Mərakeş, Yunanıstan, Yaponiya, Çin, Tayvan və s. ölkələrdəki kimi deyil. Yer səthinin dərinliyindəki hadisələrin intesivliyi fərqlidir. Azərbaycan ərazisi də özünə görə aktivdir, amma müqayisə baxımından biz bunu qeyd edə bilərik. Halbuki bizdə də seysmik aktiv ocaqlar mövcuddur".
Q.Babayev vurğulayıb ki, Xəzər dənizində seysmik ocaqlar aktiv ocaqlar kimi səciyyələnir: "Eyni zamanda Şamaxı, İsmayıllı, Böyük Qafqazın Cənub-Şərq, Cənub-Qərb yamaclarının hamısı seysmik ocaqlarla zəngindir. Kiçik Qafqazın Şimal, Qarabağ zonası, Naxçıvan ərazisi, Talış seysmik zonalar kimi səciyyələnir".
Azərbaycanda dağıdıcı zəlzələ olacaq?
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
