Dini Qurumlarla İş üzrə Dövlət Komitəsinin təşkilatçılığı ilə "Müasir Çağırışlar: Dinlərarası Birgəyaşayış" mövzusunda konfrans keçirilib.
"Den.az"ın Şimal bürosunun məlumatına görə, konfrans Quba rayon Heydər Əliyev mərkəzində baş tutub.
Konfransda Dini Qurumlarla İş üzrə Dövlət Komitəsinin sədr müavini Səyavuş Heydərov, Qafqaz Müsəlmanları İdarəsinin bölgə qazisi Naib Səttdarov, həmçinin müsəlman dini icmaların üzvləri, Rus Pravoslav kilsəsinin Bakı və Azərbaycan Yeparxiyası,
Roma Katolik Kilsəsinin,
Gürcü Yəhudiləri icmasının,
Avropa Yəhudiləri icmasının,
Dağ yəhudiləri icmasının,
Bakı şəhəri Molokan Ruhani icmasının,
Bakı şəhəri “Yevangelist Xristian Baptistlərinin kilsəsi” dini icmasının,
Bakı şəhəri Yevangelist Məsihi Baptistlərinin “Aqape” dini icmasının nümayəndələri,
Bakı şəhəri Nərimanov rayonu “Yeddinci günün adventistləri”,
Gəncə şəhəri “Yeddinci günün adventistləri” dini icmasının,
Xilaskar Yevaàngelik-Lüteranların Bakı dini icmasının,
Bakı şəhəri “Azərbaycan Bibliya Cəmiyyəti” xristian dini icmasının,
Həyatverici Lütf dini icmasının, “Həyat Sözü” dini icmasının,“Həyat Sözü – 2” Sumqayıt xristian dini icmasının,
“Yeni Həyat” Xristian İncil dini icmasının, Bakı şəhəri “Alov” xristian dini icmasının,
Sumqayıt şəhəri Alov xristian dini icmasının, “Vineyard Azərbaycan” xristian dini icmasının,
“Şərqdə Ulduz” Xristian İncil dini icmasının, Azərbaycan Bəhailəri Dini Mərkəzinin,
Bakı Krişna Şüuru dini icmasının,“Yeni Apostol” xristian dini icmasının üzvləri və rahbərləri iştirak ediblər.
Konfransı giriş sözü ilə açan DQİDK-nın sədr müavini Səyavuş Heydərov konfransın əhəmiyyətini diqqətə çatdıraraq bildirib ki, ölkəmizdə tarixən multikultural dəyərlər sistemi mövcud olmuşdur. Dinlərə etiqad edən etnosların dini icmalarının və kilsə, sinaqoq və məscidlərin təmsilçiləri, eləcə də müxtəlif azsaylı xalq və etnik qrupların nümayəndələri regionlarımızda birgə yaşayırlar.
O, qeyd edib ki, tarixi-dini abidələrimizin, o cümlədən məscid, kilsə, sinaqoqların bərpası və yenidən qurulması, yeni ibadət evlərinin inşası Azərbaycan dövlətinin bu sahədə həyata keçirdiyi siyasətin tərkib hissəsidir.
Daha sonra çıxış edən, dini sahəyə dövlət qayğısının önəminə toxunan Qafqaz Müsəlmanları İdarəsinin bölgə qazısı Naib Səttdarov regionlarda keçirilən bu cür maarifləndirici tədbirlərin rəğbətlə qarşılandığını deyib. O, əlavə edib ki, Ulu Öndərin dövlət-din münasibətləri sahəsində irəli sürdüyü ideyaların, dünyagörüşün, müdrik tövsiyələrin bu günün reallıqları kontekstində oynadığı müsbət rolu daha aydın görürük. Prezident İlham Əliyevin rəhbərliyi ilə həyata keçirilən sosial-iqtisadi siyasət, əldə edilən uğurlar, ictimai-siyasi həyatdakı sabitlik din sahəsində də özünü göstərir.
Konfransda çıxış edən dini konfessiyaların nümayəndələri də ölkəmizdə onlara yaradılan şəraitdən, tolerantlıqdan söz açıblar. Tədbir iştirakçıları Qubanın Cümə məscidini, Qırmızı qəsəbədə sinaqoqu, Soyqırım Memorial Konpleksi və Xaçmazda kilsəni ziyarət etdilər.
Onuda qeyd edək ki, konfrans çərçivəsində çəkilən kadırlar Dini Qurumlarla İş üzrə Dövlət Komitəsinin sifarişi ilə çəkilən qısametrajlı filmin hazırlanmasında istifadə olunacaq.
Nüşabə Mikayılqızı.
