“Gürcüstanın baş naziri İrakli Kobaxidze bildirib ki, 2025 gürcü cəmiyyətinin, Gürcüstan dövlətinin və siyasətinin “liberal faşizmdən” tam azad edilməsi ili olmalıdır. Bunun üçün bütün lazımi resurslar var. Əsas odur ki, Qərbin təzyiqlərinə tab gətirək və oktyabrda keçiriləcək parlament seçkilərində qalib gələk”.
Den.az xəbər verir ki, bu barədə hərbi ekspert Aleksandr Xrolenko özünün analitik yazısında bəhs edib.
“Gürcüstan hökuməti Vaşinqton və Brüsselin göstərişlərinə qul kimi tabe olmaqdan imtina edərək, ABŞ-ı Rusiyaya qarşı mühüm vasitələrdən birindən məhrum etdi. NATO-nun “beynəlxalq əmək bölgüsü” planına görə, Gürcüstan hələ 2022-ci ildə Rusiyaya qarşı “ikinci cəbhə” açmalı, Rusiya qüvvələrinin bir hissəsini Ukrayna əməliyyat meydanından geri çəkməli, yəni öhdəlik götürməli idi. Lakin bu, baş vermədi. Çünki Tbilisidə siyasi ayıqlıq hökm sürür. Amma Qərb müxalifətə “sərmayə yatırmaqda” israrlıdır. Amerika pulları “üsyankar” Gürcüstan hökumətinə qarşı mübarizəyə yönəldilir. Ağır cəza ABŞ-ın milli maraqlarına ziyan vurmaqla kursun korreksiyası haqqında düşünən bütün qüvvələrə dərs olacaq. Çox güman ki, yaxın aylarda biz Gürcüstanda və Cənubi Qafqazda vəziyyətin sabitliyini pozmağa yönəlmiş Amerikanın çoxmərhələli strategiyasının işlənib hazırlanmasının şahidi olacağıq. Abxaziya və Cənubi Osetiyaya qarşı düşmənçilik və eskalasiya partlayışlarını, təxribatların təkrarlanmasını istisna etmək olmaz. Rusiyada isə 2022-ci ilin oktyabrında Krım körpüsündəki partlayıcıların Gürcüstandan tranzitlə gəldiyini xatırlayırlar. İyulun 9-da Rusiya Xarici Kəşfiyyat Xidməti bildirdi ki, ABŞ oktyabrın 26-da keçiriləcək parlament seçkilərindən sonra Gürcüstanda növbəti “rəngli inqilab” formatında hakimiyyət dəyişikliyinə cəhd etməkdə qərarlıdır. Amerikalı “kuratorlar” artıq gürcü müxalifətinə (və prezident Salome Zurabişviliyə) Tbilisidə anti-Rusiya ritorikası və təxribatları əsasında “xalq qəzəbi” və etiraz aksiyaları hazırlamaq əmrini veriblər. ABŞ Dövlət Departamenti bunu təkzib etsə də, şantaj, təhdid, təxribat, sanksiya və ABŞ-ın viza məhdudiyyətləri başqa cür düşünməyə vadar edir. Beləliklə, Gürcüstan 2024-cü ilin ikinci yarısında böyük çətinliklərlə üzləşəcək”, – deyə Xrolenko vurğulayıb.
Günəş Fərəh
Den.az
"Əsas odur ki, Qərbin təzyiqlərinə tab gətirək və..." - Xrolenko
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
