Abşeron-Xızı Regional Təhsil İdarəsinin tabeliyində fəaliyyət göstərən , Xırdalan şəhər 1 nömrəli tam orta məktəbdə Məhəmməd Füzulinin 530 illiyinə həsr olunan Poeziya gecəsi keçirilib.
Den.az xəbər verir ki, tədbirdə Abşeron təhsil sektorunun əməkdaşları, məktəb direktorları, təhsil müəssisəsinin pedeqoji kollektivi və şagirdlər iştirak ediblər.
Əvvəlcə ədəbi-bədii kompozisiya nümayiş olunub, səhnəciklər göstərilib, qəzəllər və mahnılar dinlənilib. Poeziya gecəsi iştirakçılarda xoş anlar yaşadıb.
Tədbirdə çıxış edən sözü gedən təhsil müəssisəsinin rəhbəri Arifə Balakişiyeva Füzuli yaradıcılığı haqqında qeyd edərək vurğulayıb ki,Böyük Azərbaycan şairi Məhəmməd Füzuli mütəfəkkir və filosof, ədəbiyyat tariximizdə divan janrının ən məşhur və görkəmli nümayəndələrindən biridir. Ümummilli liderimiz Heydər Əliyev vaxtilə Füzuli irsinə yüksək qiymət verərək deyirdi: "Füzulinin humanizm və ümumbəşəri dəyərlərlə mayalanmış yaradıcılığı bütün bəşəriyyət üçün böyük mənəvi qidadır". Prezident İlham Əliyevin "Dahi Azərbaycan şairi Məhəmməd Füzulinin 530 illiyinin qeyd edilməsi haqqında" imzaladığı Sərəncamda isə Azərbaycan ədəbi-bədii fikrinin inkişafında müstəsna yer tutan, Yaxın və Orta Şərq ölkələri ədəbiyyatına mühüm təsir göstərən qüdrətli sənətkardan ətrtaflı bəhs edilir. Hərtərəfli biliyə malik mütəfəkkir kimi onun həyata, insana dərin məhəbbət aşılayan və daim gözəllik duyğusu ilə, ülvi ideallarla yaşamağa çağıran çoxcəhətli bədii-fəlsəfi irsi Azərbaycan xalqının bəşər mədəniyyəti xəzinəsinə bəxş etdiyi misilsiz mənəvi sərvətlərdəndir..."
Aydın məsələdir ki, sənət əsəri yarandığı dövrün tarixi, mədəniyyəti, adət-ənənələri, düşüncə tərzi içərisində anlam kəsb edir və var olur. Füzulinin əsərləri də öz dövrünün obyektiv poetik salnaməsidir deyən Arifə Balakişiyeva vurğulayıb ki, Füzulinin əsərlərinin tədrisi ciddi və xüsusi hazırlıq işləri tələb edir. Məktəblərdə sərəncama uyğun olaraq şagirdlərin Füzuli yaradıcılığına dərindən nəzər salmaları , tədbirlərin, açıq dərslərin keçirilməsi müsbət amildir və vacib faktordur.
Məktəbdəki Füzuli: Şagirdlər şairin irsinin tədrisi tarixinə nəzər salıblar - Məhəmməd Füzuli - 530
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
