Sülh bəşəriyyət üçün gərəkli olan dəyərdir, əmin-amanlığa, dinc yanaşı yaşamağa çağırışdır. Sülhün qorunması uşaqlarımızın qorunması deməkdir. Bütün müharibələr sülh ilə sona çatıb. Sülh bütün vasitələrdən güclüdür. Dünyada sülh gününün keçirilməsi sülhsevər xalqların bir araya gələrək bəşəriyyətin xilası üçün birlik nümayiş etdirməsidir.
Abşeron -Xızı Regional Təhsil İdarəsinin tabeliyində fəaliyyət göstərən 11 nömrəli tam orta məktəbin pedeqoji kollektivinin həmrəylik günü hazırladığı möhtəşəm layihədə şagirdlər onlara cəmiyyətimizi, bəşəriyyətimizi sülhə səsləyən, açıq səma altında azad, sülh və əmin-amanlıq şəraitində yaşamaq istəyən uşaqların istəyini nümayiş etdiriblər.
Məktəb tərəfindən hazırlanan bu layihədə isə şagirdlər həmrəy olaraq hər kəsi sülhə səsləyib.
Uşaqların ifasında diqqətə çatdırılıb ki, sülh-azadlıq bərabərlik və ədalətdir. Sülh-hər bir cəmiyyətin, ümumiyyətlə bəşəriyyətin ən çox arzu etdiyi dəyərlərdən biridir.
11 nömrəli tam orta məktəbin şagirdləri əllərində üç rəngli bayraqla sülh və onun qorunması ilə bağlı fikirlərini söyləyib, sülhlə bağlı şüarlar səsləndirib, mahnılar ifa ediblər. Hazırlanan möhtəşəm layihə hər kəs tərəfindən böyük rəğbətlə qarşılanıb.
Ümumiyyətlə sözü gedən təhsil müəssisəsində həmrəyliyin əhəmiyyəti eləcədə vətənpərvərlik, şagirdlərə daim aşılanan mövzulardandır. Məhz bunun nəticəsidir ki, sözü gedən təhsil müəssisəsinin məzunları 44 günlük vətən müharibəsində öz cəsurluğu və qorxmazlığı ilə düşmənə sinə gəlməyi bacarıblar. Ali Baş Komadan tərəfindən medallarla təltif olunublar.
Bütün qitələrdə 11 nömrəli tam orta məktəbin məzunları var. Buraxılış və qəbul imtahanlarının nəticələrinə görə, hər zaman öncül təhsil ocaqlarından olub.
Den.az
