Səudiyyə Ərəbistanının vəliəhdi Məhəmməd bin Salman ABŞ Prezidenti Donald Trampı İrana qarşı hərbi eskalasiya ilə bağlı son hədələrini həyata keçirməməyə razı salıb.
The New York Times mənbələrə istinadən yazır ki, vəliəhd ötən həftəsonu Tramp ilə telefon danışığı apararaq onu güc tətbiqi ssenarisindən imtina etməyə çağırıb.
Nəşrin məlumatına görə, bu təmas Vaşinqtonun İranla bağlı daha sərt addımlardan geri çəkilməsində mühüm rol oynayıb.
Ağ Ev isə hələlik İranın yeni danışıqlar raunduna razılıq verməsinin səbəblərini rəsmi şəkildə açıqlamayıb.
Bu səbəbdən ekspertlər ABŞ administrasiyasının Tehranla bağlı növbəti strategiyasının necə olacağını müzakirə etməkdə davam edirlər.
