Xəbər verdiyimiz kimi Sumqayıtda yaşayış binasında güclü yanğın qeydə alınıb.Hadisə zamanı tüstünən zəhərlənənlər olub.
Den.az həmin şəxslərin kimliyini müəyyən edib.
Onlar 2001-ci il təvəllüdlü Tural Məmmədov,
1994-cü il təvəllüdlü Elvin Nağıyev,
1999-cu il təvəllüdlü Məhəmməd Yaşa, vəziyyətləri ağır olanlar isə Tərlan Kərimov,
Mütəllim İbrahimov və Fərid Nəsibovdur..
Hazırda həmin şəxslər ciddi həkim nəzarətindədirlər.
******
Sumqayıtda yaşayış binasında yanğın baş verib, tüstüdən zəhərlənənlər var.
"Den.az" xəbər verir ki, hadisə “Stansiya Sumqayıt” adlanan ərazidə, keçmiş məcburi köçkünlərin yaşadığı binada qeydə alınıb.
İlkin məlumata görə, 6 nəfər tüstüdən zəhərlənib. Təcili tibbi yardımın köməyi ilə onlar xəstəxanaya çatdırılıb. Onlardan üçünün vəziyyəti ağır olduğundan süni tənəffüs aparatına qoşulub.
Ümumilikdə 25 nəfər bina sakini təhlükəsiz əraziyə təxliyə olunub.
Dövlət Yanğından Mühafizə Xidmətinin yanğından mühafizə bölmələri hadisə yerinə cəlb olunub. Hazırda yanğınsöndürmə işləri davam etdirilir.
Əlavə məlumat veriləcək.
