Perm diyarının Kungur bələdiyyə dairəsində mikroavtobusla yük avtomobilinin toqquşması baş verib. Toqquşma nəticəsində 6 nəfər həlak olub, 15 nəfər xəsarət alıb.
Denmedia.az xəbər verir ki, bunu regionun təcili xidmətlərindəki mənbəyə istinadən TASS yazır.
“R-243 Kostroma – Şarya – Kirov – Perm yolunun 55-ci kilometrində yük avtomobili ilə ‘QAZel Next’ markalı reys sərnişin mikroavtobusu toqquşub”, — agentliyin həmsöhbəti bildirib və əlavə edib ki, 6 nəfər həlak olub, 15 nəfər yaralanıb.
Telegram-kanal Baza isə 7 nəfərin həlak olduğu barədə məlumat verir.
Regionun İstintaq Komitəsinin İB mətbuat xidməti bildirib ki, ölənlər arasında bir azyaşlı da var.
Hadisə ilə bağlı təhlükəsizlik tələblərinə cavab verməyən xidmət göstərilməsi maddəsi üzrə cinayət işi başlanıb.
Perm diyarının qubernatoru Dmitri Maxonin regionun səhiyyə naziri Anastasiya Krutenə xəsarət alanlara bütün zəruri yardımın göstərilməsi barədə tapşırıq verib.
“Yaxınlarına başsağlığı verirəm”, — qubernator yazıb.
