Paraqvay Prezidenti Santyaqo Penya impiçment nəticəsində vəzifəsindən uzaqlaşdırıldı.
Qərara səbəb təxminən üç milyon əmanətçinin vəsaitinin bloklandığı “Ueno Bank” ətrafında yaranan maliyyə böhranı oldu.
Parlamentin yuxarı palatasında keçirilən səsvermədə 44 senator prezidentin vəzifədən kənarlaşdırılmasını dəstəklədi, bir senator isə iclasda iştirak etmədi.
Senatın sədri Basilio Nunyes Penyanın vəzifə səlahiyyətlərini lazımi qaydada yerinə yetirməməkdə təqsirli bilindiyini və qanuna uyğun olaraq prezident postundan uzaqlaşdırıldığını açıqladı.
Noyabrın 3-də Paraqvayın maliyyə tənzimləyicisi “Ueno Bank”la bağlı vəziyyətin tənzimlənməsi prosesinə başladı. Buna bankın ödəmə qabiliyyəti göstəricisinin icazə verilən minimum həddin 50 faizindən aşağı düşməsi səbəb oldu.
Bankın müştəriləri əmanətlərinin qaytarılması və məsul şəxslərin cəzalandırılması tələbi ilə etiraz aksiyalarına çıxdılar.
