Sumqayıt Bələdiyyəsinin sədri Adil Xudadatov sakinlərlə növbəti dəfə görüş keçirib.
DenMedia.az xəbər verir ki,qəbul zamanı vətəndaşların müraciətləri, şikayətləri və təklifləri dinlənilib.
Sakinlər əsasən torpaq və mülkiyyət məsələləri, həmçinin sosial problemlərlə bağlı müraciətlərini səsləndiriblər. Adil Xudadatov hər bir vətəndaşın probleminə diqqətlə yanaşaraq, müvafiq şöbələrə tapşırıqlar verib. O, qaldırılan məsələlərin həlli istiqamətində zəruri tədbirlərin görüləcəyini və prosesin daim nəzarətdə saxlanılacağını bildirib.
Qeyd edək ki, bu cür qəbulların mütəmadi təşkili şəhər sakinləri ilə birbaşa ünsiyyətin qurulması, mövcud problemlərin operativ şəkildə həllinə şərait yaratmaq məqsədi daşıyır.
Ellada Rəsul
