"Nə qədər ki, Rusiya-Ukrayna müharibəsi davam edir, Rusiyanın hava məkanı mülki təyyarələrin uçuşları üçün təhlükəsiz deyil. Müharibə başladıqdan dərhal sonra Ukrayna hava məkanını mülki təyyarələrin uçuşu üçün qapadıb, Kiyevdəki “Borispol” hava limanı çalışmır. Doğru qərardır. Çünki havada raketlər və dronlar uçuşur, mülki təyyarələrə dəyə bilər. Üstəgəl hələ müharibə başlamadan əvvəl Donbassdakı separatçılar Niderlanda məxsus təyyarəyə zərbə endirmiş, nəticədə yüzlərlə mülki insan həlak olmuşdu".
Bu fikirləri "Den.az"a açıqlamasında politoloq Elxan Şahinoğlu deyib.
"Müharibə daha sonra Rusiya ərazisinə keçdi. Ancaq Rusiya Ukraynadan fərqli olaraq hava məkanını qapatmadı. Halbuki, Rusiya şəhərlərinə də raket və dron zərbələri endirilir. AZAL təyyarələri Moskva və Sankt-Peterburqla yanaşı Rusiyanın digər şəhərlərinə də gündəlik uçuşlar həyata keçirirlər. Misal üçün Bakıdan Kazana təyyarələr uçur, halbuki, Ukrayna Tatarıstan paytaxtına da raket və dron zərbələri endirir. Ukrayna Çeçenistana da zərbələr endirir. Elə Xəzərin hava sahəsi də təhlükəsiz deyil. Burada Rusiya hərbi donanması ara-sıra Ukraynaya raketlər atır, Ukrayna isə Rusiyanın Xəzərdəki hərbi mövqelərini hədəf alır. Fikrimcə, təhlükəli hallarda Rusiya şəhərlərinə uçuşların təxirə salınmasına ehtiyac yarana bilər".
Günəş Fərəh
Den.az
"Rusiya şəhərlərinə uçuşların təxirə salınmasına ehtiyac yarana bilər" - ŞƏRH
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
