"Armavirdə (Krasnodar) yerləşən “Voronej-DM” RLS Ukrayna dronlarının hücumuna məruz qalıb. "Voronej-DM" Rusiyanın üfüq ötəsi, uzun mənzilli stasionar radar stansiyaları ailəsinin tərkib hissəsidir. Kosmik və aerodinamik obyektləri, ballistik və qanadlı raketləri aşkarlamaq üçün nəzərdə tutulub. Stansiya üfüqi olaraq 6000 km-ə qədər, şaquli olaraq 8000 km-ə qədər (kosmosa yaxın) məkanı nəzarətdə saxlamağa imkan verir və eyni anda 500-ə qədər obyekti izləyə bilir. Bir sözlə, strateji səviyyəli sistemdir".
Bu fikirləri "Den.az"a açıqlamasında politoloq Şahin Cəfərli səsləndirib.
O bildirib ki, bu və bu tip digər obyektlər Ukraynanın hədəfində qalmağa davam edəcək: "Bundan başqa, mayın 19-na keçən gecə Krasnodarda yerləşən Kuşşevskaya aviabazasına dron hücumunun nəticələri də məlum olub. Əldə edilən peyk fotolarına əsasən aviabazada bir ədəd Su-27 məhv edilib, Su-34 və Su-30 təyyarələri isə zədələnib. Eyni gün – mayın 19-da Sevastopol buxtasına endirilən raket zərbəsi nəticəsində “Kalibr” qanadlı raketlərinin daşıyıcısı olan “Tsiklon” kiçik raket gəmisinin məhv edildiyi də təsdiqlənib. Aydındır ki, bu cür asimmetrik hücumlar davam edəcək və Rusiya özünün bütün hava məkanını bağlamaq imkanından məhrumdur, xüsusən də tez-tez HHM sistemlərini itirdiyi və itirəcəyi bir şəraitdə edə bilməz".
Günəş Fərəh
Den.az
"Rusiya özünün bütün hava məkanını bağlamaq imkanından məhrumdur" - SENSASİON SƏBƏBLƏR
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
